«فزعة» طالبات ثانوية تلهب شجارا في «متوسطة

[ابومهنـــــد]

يا كثر بيوت القصيد يابو مهند .. هات هات خلينا نشوف مصايب غيرنا على شان تهون علينا مصايبنا

حياكم الله مجددا
مدري لية الموضوع هذا اخذ منحنى اخر وطلع البلاوي على العنصر
النسائي مع احترامي..
لكن انا صارلي موااقف كثير مثل مواقف ابوعبداللة لكن انا مابذكر المواقف
السيئة منها ابذكر الموقف المضحك مع شوية اكشن<<تمليح

هذا سلمكم الله يوم تعبت الوالدة الله يحفضها ورحت مستشفى
الاميرمنصور وكالعادة دخلت البطاقة اعطيها الي على الرسبشن والخادمة
قاعدة تدف الوالدة بالكرسي المتحرك ووقت ماوصلت الطوااري تفاجئت انة
كل العاملين على الرسيبشن حريم انبلشت انا تعرفون طبعي استحي
من التخاطب مع الحريم لكن قلت مافيها كلام ابكلمها وقلت لها خذي الموعد
ولكن ماحد عندك بنت الحلال الممرضة حاطة السماعة في اذنها وقاعدة تبكش
على واحدة ثانية تقولها انا والله صيفت في باريس ومريت على لندن واشتريت
بمبلغ 10000دولار ملابس شوية الا هي تشطح وتقول انا سويت عملية تجميلية
بخشمي..وانا ياغافل لك الله<<طبعا انا قفلت اخلاقي وقلت لها يابنت الناس خذي
البطااقة وحطيها بالسرى عشان ماحد يخش قبلي بصوت عالي<<واحد قوي
طبعا كانت ردت فعلها انها طااالعت فيني من تحت لفووق وانا مشخص<شطحة
ولاتكلمت على قول البنات شمقت فيني يعني غمضت بي وقالت حط الموعد هنا
ورووح اجلس هناااك<<بعد ما قعدت ترغي ربع ساعة<قلت خير وبركة

طبعا الله مايترك ظالم..وقعدت شوي باستراحة الرجال الا وشوي اسمع اصواات
وهووشة عند الرسيبشن قلت اروح اشوف رحة اشوف الا والممرضة الي قعدت لي
فية واحدة شكلها والله عتيبيةماسكتها بالبالطوا وقاعدة تفقع فيها<<انافرحت بالمرة

لين الان اناماليشغل لاكن انا عندي الوالدة الله يحفظها تعبانة ماتقدر تمشي وعلى الكرسي..
والهووشة صارت بين الممرضة والعتيبيات قدام الوالدة والممرضة خشت ورى الوالدة
وانا قلت يالربع هدو اللعب >>>صراحة انا خفت على الوالدة لايجيها لطمة
وقمت اخذت الوالدة بالقوووة واللة لو تشوفوون الهووشة ماتقولوون انها هوشت
حريم>>والرجال لو تشوفوونهم فاااطصييين ضحك وتعليق والي يقوول
والله فلة والي قاعد يطلع الجووال ويلقط صور بالخفية
عموما مالكم بالطويلة جا المشرف على الطواري واخذ الممرضة
وتدخل الامن وسحب العتيبي واخواتة للضابط المناوب
بس ابشركم اني استفدت من الهرجة كلها ومشى السرى
واخذت سرى العتيبي واخواتة>>ههههههه

علما ان هذا الموقف دائما يصير بالمستشفيات وبكثرة
يعني باللة عليكم السعودية تصلح تقعد في مكان حساس
واللة ان عندي الفلبينية احسن من الف سعودية
خاصة بالمستشفيات