اكلات شعبيـــــة ..

[سنا الهجرة]

الله عليك يا المقداد .. دايم مواضيعك تعيدنا للذكريات القديمه
وتستخرج من ذاكرتي أنا بالذات أشياء عفى عليها الزمن

وهذي على طاري المسواط ( العود أبو شنبتين )
كانت جدتي الله يرحمها ويسكنها الجنه تحب المعقل وتسويه دايم وحنا أطفال صغار نجي عندها ننتظر متى يستوي هذا المعقل والجوع يعتصرنا .. وهي الله يرحمها تمزح معانا وتضربنا بالمسواط .. وتقول >>>>> تضحك علينا وعلى صجتنا ولهفتنا للأكل
تردد هذي الابيات اللي مدري من وين جايبتها ..

وتقول ..

أمي تعصد ..
وابويه يَلْقَمْ

قلتٌ .. مَيَّهْ
قالت .. حَيَّه

قلتُ .. بَيِّي
قال .. اِعْصَيَّهْ

قلت .. براسك
قام عليه

بالمسواط .. قِرْمِعْ .. قِرْمِعْ
لين لقاني شعب عُلَيَّهْ