فنجال .. وعلوم رجــــــال .. !!

[حسن عابد]

فييوم من الايام كان الامير ابن رشيد قاعد بالمجلس مع روءساء القبائل
وفيه رجل اسمه علوش خبير بالقهوة جالس على يمين ابن رشيد
ولما طلب ابن رشيد بصب القهوة قام اللي يصب لقهوة وصب للامير مثل العادة
ويوم صب الفنجال لعلوش تلفت يمين وشمال ورفع الوسادة من ورا ظهره وكب الفنجال
واكبر عيب انك تكب قهوة معزبك و شلون وانت قاعد في مجلس ابن رشيد
قال ابن الرشيد بصوت عالي ويشبك كبت القهوة يا علوش ؟
قال علوش مالي نفس بالقهوة يا طويل العمر.
رد عليه ابن رشيد بعصبية ويش لون مالك نفس وانت كل يوم تقهوا في مجلسي الا اليوم
لآزم تعلمني بالحقيقة . قال علوش عطيني الامان وعطيك الحقيقة .قال ولك الآمان
قال قهوتك صايدة يا طويل العمر قال وشلون صايدة قال فيها قعسي يا طويل العمر
قال ابن رشيد واذا ماوجد فيها قعسي قال علوش اذا مافيها رقبتي رهن الاشارة
طلب ابن رشيد قماش من شاش وصبوا القهوة على الشاش وذا بالقعيسي ميت وسط القهوة
قال ابن رشيد وشلون عرفت ياعلوش؟قال علوش انت تعرف طال عمرك كل شي بالقهوة يبين.
قام ابن رشيد واختبر علوش في القهوة بعدة اختبارات ونجح فيها علوش
من اختباراته حطوا مع القهوة عرفج وعرفه وحطوا قهوة نيه وقهوة محروقه وعرفها وحطوا قشر مسواك وعرفه
وبعد ما نجح في اختبارات ابن رشيد قال ابن رشيد يا علوش كل هلال شهر مرعلينا واخذ جميع مايلزم القهوة
مادمت حي وان مت وصيتبها عيالي وعشيرتي.
كان فيه شاعر حاضر القصة ويسمع احداثها.
قال الشاعر
تستاهل الكيف الحمر يا بن وايل
انت الذي تستـاهل الكيف كله
يللي نقدته وسـط ديوان حــايـل
لولاك يا علوش محدن فطن له
بدلال من يـجـعد صـقـا كل عايل
الضـيـغمي ريف اليدين المقلة
الضيغمي مردا المـهـار الاصايل
يا ما انقطع بساقته من سجله
يا بن ظويهر مـا بها قول قــايـل
تستاهل الفنجـان لا جا محله
يا نــاقـد الدلال بحكـم الدلايــل
يا ريف هجن والمزاهــب مقلة
ربعك بني وايل مجاز القبـــايل
اهل الجموع الراسية والمظلة
زبن الدخيل اللي توطاه طايل
الجمع دونه والرمك مردف له