منقاش الطماع الارفل / الحلقه ألثانيه.

[ابو عادل]

رد : منقاش الطماع الارفل / الحلقه ألثانيه. رد : منقاش الطماع الارفل / الحلقه ألثانيه. رد : منقاش الطماع الارفل / الحلقه ألثانيه. رد : منقاش الطماع الارفل / الحلقه ألثانيه. رد : منقاش الطماع الارفل / الحلقه ألثانيه.

يامنقاش الله يهديك انته ليش الزعل والحماقة هذي كلها احنا نعرف انك (تزرق الغراب باللومة)
ولكن قابلينك مثلما انته رغم الملح والبهارات والبكش وسبب قبولنا لك انك في المواقف اللي زي هذي رجال ماتعود وتطبق المثل اللي يقول (التخمة ولاغبن الرجال)
نعم يامنقاش هذي ميزتك عارفينك ماتعود نهار الله الله صح والاغلط وتعدي زعيمتك وترفع روسنا والا باقي علومك الثانية (خنبقة) ولاتقول مامعك علم تراني مانسيت الضيوف والمسترفدين اللي تطردهم ولانسيت المرة اللي جيتك ابي منك موقف وشرطت عليه (بسلة)
ولانسيت العوايز والدراهم اللي تستلفها منا ولاتردها واحنا على قول القايل ((مرحبا ياغصيبة)) وش نقول لك وانت شايب وشيخنا .

[ما عندكم أحد]

اول شئ هذا مو بس بكاش...
هذا نصاب وغشاش .. يأكل نحله مدري ( ذبانه ) سكر وعسل مغشوش
ونت حلرامي محترف يعني جحلط درجة أولى بتاكل الرجال وذبانه

وأهم شئ عيدان المشرف العام لاتجيها
وباقي العيدان هي لك....

[@ بن سلمان @]

يعطيك العافية يا منقاش
بعذرك ما تركب غير الحمار وكله خوف من السيارات وحوادثها
تبي المفيد ... الان من اقل من سنة ومرور الرياض قايم بحملة على دائري الرياض والطرق الرئيسة للحد من السرعة ومؤخرا سمعت ان ما يزيد عن 140كم يبيت ليلة في الغرفة و150كم ليلتين و160 كم ثلاث ليالي مع حجز السيارةالى حد خمسة ايام ثم بعدها على ما اسمع ربما مصادرة السيارة .
تصور اطلع من مكتبي في حي الهدا وعشان زحمة الليل اتحنب كبري الخليج وحتى اصل البيت في حي الخليج شرق الرياض عن طريق الدائري امر بثلاث نقاط مرورية ورصد للسرعة واكثر من 120 الى 140 مخالفة مروريه .
لكن بفضل الله ما اسمعة نتيجة ايجابية حتى ان احد علق عن عطلة نهاية احد الاسابيع يقول مرت دون حدوث وفيات .
نسال الله لهم التوفيق ولنا الهداية .

[النتيف]

الظاهر إنك يا منقاش يوم اللي تطري حوادث السيارات
تبي تسوي دعايه للحمير
ترى زمن الحمير ولى وراح ماعاد باقي أحد يركب حمير غيرك
حتى سمعت إن المرور يدور عليك اليومين هذي ودهم يركبون لوحه
في ذنب حمارك بعدما نشفت حلوقهم وهم يتطلبونك تترك الحمار

[منقاش]

أخواني ألأبطال : ابو عادل , ما عندكم أحد , ابن سلمان , النتيف : أشكركم على قيامكم بواجبكم وشكركم لي ووقوفكم معي ضد بكاش ...
ولا شكر لأبو تركي وابو خالد وابن عزاب وابو أمجد وابن داخل وابو هاشم والعمده واقزوز منسم ورويعي الغنم ...
وقبل أنسى : تكفون أبحثوا لنا عن المشيلحي واللي يلاقيه يقول له وين ما عاد نشوفك وأندسيت يا جبان ؟؟.

[مشاكس]

يامنقاش
ياغشاش
ياحشاش
يابو حمير وأجحاش
أنت وابو دبان البكاش
روحو عيشو في الأحواش
وكبونا من سوالفكم اللي مافيها لنا مشاش
هذا جوابي لك كاش

[بن عواض]

ايه يا ومنقاش علومك زينة بس وشبك عليه تري كنت مشغول في الزراعة عندي مشط بفتح الميم وتبقيل فلفل وسوادي وقوطه والمسحاه انسرقت مدري من سرقها الله يعوضنا ويخارجنا
من الحرامية ...............؟؟؟؟

[منقاش]

المشاكس , ابن عواض : مشكرين اللي تفهمون وتردون ,,, ما أنتم زي الخبلان اللي ما يردون عليه ...

[الشيهان]

الحق ما عنه مناص يامنقاش

اما انا قمت وان بكامل قواي العقليه المعتبره شرعا لامجبرا ولامكرها فيما قمت به ومصطك ببوسه علىخنفرتك واشوى انها ما نزلت شوي كان لبسوني تهمه ولاتهمة كلنتون مع مونيكا ههههههه

عموما لاتروح فيها بالحيل وانت عارف اني ما اهرول عبث وما صقعتك ببوسه من اجل قوام خنفرتك الشهير
وانما الهدف استمالتك هذي الايام مقبلين على الصيف ولاشك ان الميتين خليه بيجي فيها خير كثير

ومن ذلحين خذها في خشتك نهار تنقضي مصلحتي معك والله ما تذوق مني غير شلوت يابس ورزقي على الله

[ما عندكم أحد]

ههههههههههههه
يا بو امجد
منقاش رجال كبير وبحسبة الوالد ولا يجوز تقول له ( يابس ورزقي على الله )