هواجس ( لماذا نسيئ الفهم )

[العنكبوت]

ياسنا الهجره

لم اقصد مافهمته ان كان مافهمته هو نفسه مافهمته انا بعد مراجعة المشاركه

فطب نفس وسر على خير تحرسك عناية الله

[سنا الهجرة]

المشاركة الأصلية كتبت بواسطة العنكبوت

ياسنا الهجره

لم اقصد مافهمته ان كان مافهمته هو نفسه مافهمته انا بعد مراجعة المشاركه

فطب نفس وسر على خير تحرسك عناية الله

بس كذ111111 كيفيني

لا تثريب عليكم اليوم يغفر الله لي ولكم

[المستشار]

عنكبوت
ابوعبدالرحمن
مريت على موضوعكم ووجدت انه مافيه اختلاف كبير بينكم
وارى انكم قريبين من بعض من حيث الهدف الأساسي وهو
الإهتمام برقي هذا المنتدى وبجميع اعضاءه دون استثناء وانشاء الله انه هدف كل عضو....
وبالنسبة لحذف بعض المواضيع والمشاركات ياليت يكون بطريقة منظمة ومقننة
وبدون تمييز بين الأعضاء فكلهم سواسية في هذا المنتدى
ومن وجهة نظري الخاصة الى أعضاء الإدارة الكرام .....
ان يقوموا بعقد اجتماع فيما بينهم .........
لتفادي بعض السلبيات التي قد تحصل بسبب اختلاف الافكار
كلنا يعلم ان هناك قوانين لهذا المنتدى ويجب على الجميع اتباعها
ولكن بما انه يوجد نظام فإن هناك مايسمى بروح النظام
وكماتوجد اختلافات بين الأعضاء في طريقة التفكير والتعامل فإنه ايضاً يوجد هناك اختلافات واضحة..........
امام الاعضاء بين الإدارين في التفكير والتعامل ايضاً فمنهم المرح والمحبوب لدى جميع الأعضاء..........
وهذا النوع لايرضي النوع الآخر الذي يتسم بالتشدد والتمييز بين الأعضاء حسب اسباب هو يحتفظ بها..........
فالموضوع سهل للغاية ويحتاج الى سعة صدر كبيرة والإبتعاد عن مسك العصا من طرف واحد
بل التحلي بمدأ الوسطية في كل الأمور .........
حتى لا نتفاجأ برحيل اخوان اعزاء مثل حسن وابوتركي
هذا والله ولي التوفيق
ملاحظة / كل ماكتبته لايمثل سوى رأيي الخاص ؟؟؟

[الجاسوس]

فجأة وبدون مقدمات ... تأتي معرفات جديدة..مبهمة..ليس لها قدم سبق ..وليس لها قدم خير في المنتدى...

موضوع جميل أخي العنكبوت
وما أقول ألا الله يخارجنا من ها الأسماء المبهـمه؟ ويعطينا خيرها ويكفينا شرها؟؟
ما بقى شي اقوله كل الكلام الجميل والكلمات الرائعه طرحت من قبلكم؟؟
ولكم تحيات (الجاسوس)

[منقاش]

يا رفاقتي أنا رجال جاي أتدخل بطلب من رفيقنا العنكبوت اللي قال قيه يا شيخ منقاش تعال الى عندنا في هالمربط , واحب أذكركم في البدايه أني مطرود ولا أدخل الا قليل بأذن من أبو عبد الرحمن واعود أخرج ,, ويش نسوي بعد جار علينا الزمان ؟ , المثل يقول أذا ما طاعك زمانك طيعه .
نعود لماضوعكم :
ألاوله : المشرفين ما يجوز نملي عليهم شروطنا ونقول يحذفون اللي نبي ويتركون اللي نبي , لالالا , هم يحذفون ويلغون عضوية اللي يرون وجزاهم الله خير اللي يتحملون مشاغباتنا ومشاكلنا وزرايانا وطلايبنا عليهم يالأعضاء , وترون المشرف رجال يخدمنا بنخوه منه حشمه لربعه ولا هو مجبور ولا ياخذ راتب على شغله , والمدير العام يدفع من جيبه ويعطينا من وقته والواجب نعترف بالفضل لأهله .
الثانيه : نحنا أعضاء مثل أعضاء الجسم , واحد مثلا تقول ساق والثاني عرقوب والثالث حاجه على بالي ما أقدر أقولها والرابع ورك والخامس محد والسادس راس لو شلته مات الجسم كله والسابع شعر الراس لا بد له من حلاقه والثامن الأضافير لا بد من تقليمها والتاسع القلب ما يوجبك تزرع بداله ألا مصيبه حمانا الله واياكم , والعاشر عضروط ما تحبه لكن ما تقدر تقعد الا به , يعني العضو الفاسد نبتره والضروري والصالح نستبقيه , والفاسد اللي يخطي والصالح العضو اللي ما يخطي ومشاركاته مفيده مثلي , والعضو القديم له درجه على العضو الجديد .
الثالثه : الشعار مثل حسن عابد ما يمكن تقارنهم بعضو مثل منقاش والا رويعي الكلاب والا غيرهم , لالالالا , الشاعر اللي ما يزل على خوياه أذا زل عليه عضو عادي نعطي به الباب ونستبقي الشاعر , واذا كان شاعر ومؤسس مثل حسن يغلي أكثر , واذا كان مثل ابن سلمان شاعر ومؤسس ومشرف يغلي أكثر واكثر , يعني أصابعك ما هي سوا.
الرابعه : العضو اللي بأسمه الحقيقي مثل الشيخ منقاش المفروض ما أحد يزل عليه , واذا زل عليه أحد تحذف مشاركته والا عضويته حالا ,, قولوا ليش يا شيخ ؟؟, أقول لكم تقارنون واحد متنكر ويرمي الناس من ورى جدار ويشرد مثل الحرامي برجال بادي لكم بوجهه وجاهه ومسجل باسمه ,, لالالا , ما يمكن المساواة بينهم .
الرابعه : اللي معه الحق سيد السادات يغلب خصمه حتى لو كان منقاش بجلالة قدره , صاحب الحق محشوم ويجلس في صدر المجلس , فمثلا لو أخطا عليه مخاوي منقاش نطرد مخاوي منقاش طردة يهودي من فلسطين ونسلم منقاش مفاتيح بيت المقدس .
والختام : أشوف بعضكم ينافق مع العنكبوت ويقول أنه يحبه ,, يا ناس هو فيه عاقل يحب عنكبوت والا عسوده ؟. معقول تحبون فهد والا بس والا صقر ,, أما تحبون عنكبوت فهذي أختلافة عقل ..

[سنا الهجرة]

المشاركة الأصلية كتبت بواسطة منقاش

والختام : أشوف بعضكم ينافق مع العنكبوت ويقول أنه يحبه ,, يا ناس هو فيه عاقل يحب عنكبوت والا عسوده ؟. معقول تحبون فهد والا بس والا صقر ,, أما تحبون عنكبوت فهذي أختلافة عقل ..

الحين بالله عليكم أيهما أفضل

العنكبوت

أم

المنقاش

بالله هو فيه عاقل ما يعرف ان العنكبوت أفضل من المنقاش

أنا اقلك وش الفرق:

العنكبوت : مخلوث من مخاليق الله
شرفه الله بحراسة أشرف خلق الله

وهو فالغار

أما المنقاش : أحسن ما يمكن أن تستفيد منه اذا رحت تلقط برشومي

وانتبه لا تخرج عن صلب الموضوع وتتحرش فيه ترى بهجيك واللي يصير يصير

[abonayf]

مرحبا بك اخي العنكبوت

موضوع جريئ وجميل ومداخلات قيمه من الاعضاء ومازلنا نأمل بتواجد الكثيرين وبسماع الكثير من المداخلات ولك ان يكون الموضوع ذو حريه مطلقه شريطة ان يلتزم الجميع بأدب الحوار وهذه فرصه لن تتكرر سوى بموضوعك هذا فمن كان لديه انتقاد فاليبدأ بأبداء مايريد هنا ويقوله دون مواربه او خجل من أحد ويبدو لي أن هذا هو ماتريده .

سيكون لي عوده اخرى

[منقاش]

الشرهه ما هي عليك يا سنا الهجره
الشرهه عليه يوم تنازلت لك برقم المية ألف واطعت أبو عبدالرحمن والمشرفين يوم طلبوني أياها يبونها رفع معنويات لك واليوم يدز فيك الشيطام وتقرص فيك العنكبوت حتى وصلت الجرأة بك حتى تطاولت على الشيخ منقاش ,, لكن ما عليش السدره الرفيعه اللي مثلي يرمونها بالحجاره حتى يطعمون نبقها .

نعود على العنكبوت ونقول : الحرية المطلقه مفسدة مطلقه , ولا فيه حريه تامه , صلاتك معدوده وموقوته , وجوازك باربع ما يزيدون الا ما ملكت يمينك وبشروط , وأكلك أذا زاد وقلت حر تاكل كما تبي يقتلك .
أما الكلام فيمنع فيه التفحش والغيبه والنميمه والكلمه الشينه (اللي عكسها الكلمة الطيبه صدقه) , ويمنع الهمز واللمز والعنصريه والتفيهق وما يجر الى مفسده والمجاغه مع الجنس ألآخر والكلام اللي يحمل أكثر من معنى وبعضها غزل والا هزل .
والكلام طويل وانا مشغول , والسلام .

[سنا الهجرة]

يا حبي لك يا منقاك

والله اني أستمتع بكل كتاباتك

سواءً كات جد والا هزل

رووووووح ياشيخ الله يسعدك وين ما تروح

وياليت في المنتدى مثلك كثير

بس لا تنغرررررررررر

والوسام تراه لك

على الملازيم اذا تبيه تراه جاك

ياشيخ انت كلك أوسمه

أنت أصلا وسام من دون أوسمه

أشهد الجميع اني أحب قلم

أما موضوعنا

خلاص انا قلت اللي عندي

لا قيود تكبل البعيرررررررررر


ولا حريه مطلقه

واللي يبي الحريه

يدور عليها
وسلامتكم

[منقاش]

والله يسعدك يا سنا الهجره وين ما تروح ومشكور على كلامك الطيب اللي يدل على طيب معدنك .
لكن ويش رايك تمدحني بكم بيت تعبر بها عن مشاعرك تجاهي مثل كلام ابو عادل اللي حاطه توقيع تحت أسمي .
أما ألأوسمه ما عاد تنفعني بعد طردوني المشرفين وكشفوا حالي , يعني الترقيع ما ينفع , ما يجبرها الا كم بيت تخلد ذكري .
تكفى ثمانيه أبيات , بس لا تكون مدح بمعنى الذم ,, أبغيها عن بطولاتي واذا تقدر تسب فيها مخاوي منقاش ورويعي الكلاب في عرض مديحي يكون أفضل .