ألصرام /الدرس ألثاني من دروس منقاش عن التراث

[ABO TURKI]

المكنسة رادها رادها الله لا يعوق بشر
والايام بيننا

[منقاش]

أبو نايف : مقبول وناجح من هاللحظه واعتبرك عريف الفصل
وابو تركي أكتب أسمه مع المشاغبين حتى لو ما سوى شي .
وذكرني بكره شله ما أنا راضي عنهم وابغي أحبسهم في الحمام حتى يحبون العلم والعلماء وخصوصا محدثك .

[أبو عبدالرحمن]

أستاذ منقاش
الطالب : بن عزاب ...أخبرني أنه استأذن منك للذهاب للمدينة النبوية ...

فتم السماح له بالغياب ...بناء على موافقتك...

لكن بن داخل وبن سلمان والمبرد ـ لا تأخذك بهم رأفة ـ

[abonayf]

هاه سمعتم منقاش وش قال

عريف الفصل يعني واحد يتحرك وجه للجدر اذا علمت منقاش بيسجنه بالحمام

انتبه يابن سلمان ونت يابو تركي بن عزاب غايب والضاهر عنده عذر البقيه مابغى اكتب احد بالورقه

[ABO TURKI]

يا منقاش بغيت تفتن بيني وبين ولد عمي بن عزاب
كلمته ويقول ترى منقاش ماعنده سالفة وما بيني وبينك الا كل خير
ومنقاش شغله عندي اذا عودت من المدينة
والمكنسة ردها احسن يا منقاش
والا بيسير علوم ما تسر لا عدو ولا صديق
تكفى يا منقاش لا تخلينا نخسر بعض عشان مكنسة
وانا اوكل بن عزاب عليك يرد مكنستي عليه اللي رحت تاخذها اثما وعدوانا
في انتظار ولد عمي بن عزاب انا متوجهبك على منقاش يرد المكنسة

[منقاش]

بيان المدرسه رقم (1).
نحنا جميعا منقاش الجهبذ الفحل الذي لا يشق له غبار
أقول صبرنا على بعض الطلبه حتى مصخوها لجل كذه أتخذنا القرارات التاليه :
* يقبض على ابن عزاب وابن داخل ورويعي الغنم ### ويكلفون بالحطيط في حوط البرشومي حتى تقت الحوط ويشرف عليهم في الحطيط الطالب مشتاق الباكستاني .
* يقبض على ابو تركي وابن سلمان وابو أمجد وابو هاشم ###وتحلق روسهم على الصفر وتسخم وجوههم ثم يركب كل واحد منهم على حمار صعب ووجهه يم ذنب الحمار وتدورون بهم في الاسواق حتى يكونون عبره لباقي الطلاب .
ابو عبدالرحمن : ثاني مره لا ترجاني والا تعتذر عن ابن عزاب اللي ما خرب الطلاب الا هو .
عريف الفصل ابو نايف : أبو تركي راعي الطياره اللي تخبرها علقوه بيديه في شباك الفصل وعذبوه عذاب الهدهد بالزغزغه حتى يفطس ويسويها في ثيابه ..

# تحرير ـ مراقب الشبكة : الصياد ـ

[abonayf]

تم تم

سيتم القبض عليه سمعت انه شرد يم الاستراحه لكن بندوره ونربطه بالشباك بس محتاجين معه واحد يسليه فشفلنا واحد ثاني

[منقاش]

ذكرتني يبو نايف بالمصبح الهتيمي اللي متغيب عن الدراسه حسن عابد , هذا النشمي حطه جنب أبو تركي
وانتبه بلاشي درلات في التعذيب والا تقليع أسنان , ركز على الزغزغه, وبعد وجبة العذاب اللي نبغيه يفكك السدود اللي في عقولهم خلهم يدنون السمانه للوادي ويفرقونها حتى تفرق أباليسهم ويعرفون أن العلم ما هو لعب .

[بن عواض]

استاذ : منقاش يعجبني فيك حزمك مع طلابك ولا تأخذك بهم شفقه ولا رحمه طلاب اخر زمن ما تقدر استاذها وسمعت إن الاداره راح تبعثلك خطاب شكر وتقدير على مقدرتك العلمية والتربوية وفقك الله .

[النتيف]

أول مره أشوف مدرس يجيبون له الطلاب الوسائل التعليميه


وبعدين يا منقاش لابغيت تشرح إبعد حمارك تراه أروح بنا