زواج منسمين

[الحجاج بن يوسف الثقفي]

زواج منسمين زواج منسمين زواج منسمين زواج منسمين زواج منسمين

السلام عليكم ورحمة الله وبركاته بعد التحيه

هذا عرس منسم
ماهو انا والله
ابقول لكم وش صار في ليلة عرس قعيمص

المواصفات

الاسم / قعيمص الدلخ

العمر / منولد في سنة الطفره

الشكل / قزم ودب واقرع و وجهه كله خدود ومافيه عيون

باختصار قفل

الولد قعيمص داشر 24 سااعه مشاكل وتفحيط وخرابيط و هجوله

المهم ابوه قرر انه يزوجه يمكن يعقل الولد !!!!

ويقوم يخطب له ابوه بنت عمه حصه !!!

عاد حصه خبله مثله

المهم يوم جاء العرس ولا قعيمص طالع مع اخوياه للدايري

وابوه يدق عليه

الاب: الووو قعيمص وينك؟

قعيمص: هلا والله طالع مع الشباب في الدايري!!!

الاب: جعل تطلع روحك بلا تعال اليوم عرسك


قعيمص : طيب العرس في اليل يمديني ارجع المغرب


الاب: اقول امش جعلي امشي العصى على ظهرك

قعيمص : طيب خلاص جاي

ويقفل التلفون

المهم ويجي قعيمص ويلبسونه الخبل ناوي يروح بقميص نوم وطاقيه

المهم ويمسكونه اخوانه ويلبسونه ويودونه للقصر

>>>>>>> قعيمص الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت
ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي ( والله منسم مررره)

ويلقطه اخوه ويجلسه على الكرسي

ويجونه الناس يسلمون

المعازيم : مبرووك منك المال ومنها العيال

قعيمص : هلا ايه طيب يكون خير والله ما عندي ولا ريال
( قايل لكم مهوب وجه زواج)

المهم ويدخلونه على الحريم

يوم دخل

وهو الي يفتح فمه ( ابتسامه عريضه
ويناظر في ذا البنيات)
المهم يوم طقو الطقاقات الا وهو يطمر ويرقص سامري

ويسحبه ابوه ويقول اركد لا تفشلنا!!!!

المهم ويجلسه على الكرسي

وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه


وانواع الاستهبال المشكله الي ترقص امه مسيكينه تبي تفرح به ما درت انه ما يستاهل

الا وابوه يصفقه على جبهته

قعيمص : طيب خلاص انطم

المهم يوم خلصوا وهو ياخذ العروس ويركبون السياره

المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟
ملينا من ذا الطقاقات ازعجوني

الا وهو ينبسط على حرمته خبله مثله

المهم وتقول له

حصيصه :قعيمص ابسالك سؤال؟
قعيمص: اسالي!!!

حصيصه : انت الحين تعرف تفحط ؟؟؟

قعيمص : اكيد انا احسن واحد يفحط ( مسوي فنان عندها وهو ما عنده ما عند جدتي)

حصيصه : والله ورني ابي اشوفك تفحط

قعيمص ( توهق)

قعيمص: خليها بعدين موب اليوم ( يبي يصرف)

حصيصه : افا شكلك ما تعرف هههههههههههاي

قعيمص : اوريك من الي ما يعرف

وهو الي يلف هذيك الفه وطراااااخ في الماصوره على طول

والحين حصيصه وقعيمص في مستشفى الملك عبدالعزيز الدور الاول غرفه 123

قسم الكسور

الزياره من 9 الى 12 ظهرا و 5 الى 9 مساء

تقبلو تحياتي

[مصرقع]

شكله ولد عمك قعيمص بس ما قلت لنا من اي المنسمين هو من خامسك والا من خامس ثاني
s2.gif s2.gif s2.gif

[H Y T H A M]

s70.gif s70.gif