منقاش المتصهين/ الحلقة الرابعه

[منقاش]

منقاش المتصهين/ الحلقة الرابعه منقاش المتصهين/ الحلقة الرابعه منقاش المتصهين/ الحلقة الرابعه منقاش المتصهين/ الحلقة الرابعه منقاش المتصهين/ الحلقة الرابعه

أنتهى علاجي وشخصوا السقم اللي جاني بصدمتين نفسيه متعاكسه(متناطحه) سببها حب القروش البريه والخرعه من القروش البحريه مع أحتباس غازي داخلي من قوة الفجعه ..
الزبده : بعد عشره أيام نقلوني لكاعدة عسكران مريكانيه في ديره ما أعرفها لكنها في ديار العرب ,,, ثم بدوا معي في الدرس الأول لمدة 30 يوم , كل يوم 12 ساعه , وكان المدرس سوداني متصهين من بدو دارفور درسني لهجة الدوافره واسامي ديارهم وشيوخهم وتجارهم وكبار المهربين والحراميه والدجاليين والصداقات والعداوات الجديده والقديمه بين قبايل الدوافير ,,, وبعدها فهمني على سبولهم ومذاهبهم وخرافاتهم واكلاتهم وشعرهم وشتايمهم لبعضهم وكلام طويل بعضه عن لغة ألأشاره , ولا بقى عني شي الى حد علمني كيف أهز راسي وافصخ مداسي وارفع واخفض صوتي وأناظر بعيوني وأصافح بيدي , وووووو الخ , وكان يدرسني الدرس ثم يطبق معي ثم يختبرني ويطلبني أطبق ..

الدرس الثاني كانت مدته 33 يوم كلها هروج ودروج +13 يوم تطبيق ,,, فترة هذا الدرس تمنيت لو يمددونها ويخلونها سنه دراسيه لكن يا حسره ما وافقوا ,,, جاني فيها مدرسه صهيونيه جمالها يطرح الطير وعقلها يرجح بعقولكم كلكم ومعكم كل القبايل,,, أعجبتني والظاهر أني دخلت في عينها ,,, ومن ألأسبوع ألأول طلبتها تزوجني زواج أسلامي ووافقت بشرط أني أول أبدع في شغلي واتعلم العبري واتصهين مضبوط ,,, وأشترطت أن مهرها هو نجاحي في أقناع البدو الدوافير حتى يتركون حكومة الخرطوم وينقلبون ضدها ويتصهينون مع بقية ربعهم اللي سبقوهم في الصهينه ,,,, ثم بعدها تجي الملكه والقرى والدخله في يوم واحد, وشهر العسل في جزر الكناري على حساب اكسون موبيل الصهيونيه ...
والحقيقه بعد هذا الدرس تصهينت مضبوط وقربت أسير صهيوني , والعلوم اللي تعلمتها بعدد شعر راسي ولا أقدر أحصيها لكم لكن أتذكر منها أني سعلت ألأستاده وقلت : يا نور عيون منقاش علميني ويش الفرق بين الصهيوني والمتصهين ؟؟, ردت عليه : يا هني (يعني يا عسل) ,,,, الصهاينه هم اللي يعتقدون أنه لازم يعود اليهود لفلسطين ويقيمون دولة أسرائيل ويبنون الهيكل على جبل صهيون مكان مسجد المسلمين (ألأقصى) ويعلنون الحكومه العالميه مملكة الرب اللي رايح تمتلك وتسيطر على كل ثروات ألأرض وتحكم العالم من عاصمتها القدس , واللي ملكها العالمي المتوج وحكومتها يبي يكونونون كلهم من بني أسرائيل..
ثم قالت : يا منقاش , اليهود أغلبهم صهاينه وشيوخهم هم اللي يديرون العالم ويملكون أغلب ثرواته ويملكون المصارف العالميه والذهب والشركات العملاقه المتعددة الجنسيات العابره للقارات اللي منها شركة أكسون موبيل اللي تخطط تاخذ بترول دار فور وتفتكه من شركات الصوانيه (الصينيين) وحكام الخرطوم ,,, وهي اللي تبغي تشغلك وان بيضت وجهك معها تبي تدسم شاربك ,,, والدرجه الثانيه من الصهاينه عددهم اكثر من مية وعشرين مليون في العالم ثلثهم في أمريكا لوحدها ويسمونهم المسيحين الجدد ومنهم بلير وبوش الأبن والأب والديك الشين وقبلهم تشرشل وروزفلت وكثير غيرهم ...
أما المتصهينين شرواك يا منقاش فهم اللي يساعدون الصهاينه في تحقيق هدفهم عن حب فيهم أو خوف منهم أو طمع في شي من ورا الحلف معهم , والشغله كلها أمسك لي واقطع لك ,, وترى المتصهينين أن كان تقدر تعد شعر حمارك تقدر تحصيهم ,,لأنهم كما الرز كثيرين فيهم من المسلمين وغير المسلمين ,, وحتى فيهم كثير من الفلسطينيين مثل أغلب أعضاء السلطه الفلسطينيه ,,, ومنهم ناس في الراس وناس مكانهم عند المداس مثل الجواسيس الفلسطينيين اللي جندهم الموساد وألشين بيت في أسرائيل ..
ثم سعلتها ليش ما يكون كل قبايل اليهود صهاينه أو على ألأقل متصهينين مثل خطيبك منقاش ؟؟, قالت : نعم ما كل يهودي صهيوني أو متصهين مثل بعض اليهود اللي ضد الصهيونيه وضد قيام دولة أسرائيل وعودة اليهود لفلسطين , ومع حق الفلسطينين في المعواد لديارهم وأستعادة فلسطين , وحجتهم دينيه من التوراة , يقولون فيها أن اليهود أذا عادوا لفلسطين والقدس قبل يظهر المنقذ (المخلص لهم) تكون العودة سبب في ابادتهم وهلاكهم ... والصهاينه يردون عليهم ويقولون أن المسيح المنتظر ملك اليهود الموعود حي يرزق وتجيهم توجيهاته وموجود في الخفاء في مكان سري حتى لا يعتدي عليه ألأرهابيين, وشروط خروجه أكتملت ولا بقي منها ألا بناء الهيكل على جبل الهيكل محل المسجد حتى يخرج ,, ويقولون انه يهودي , وامه وابوه يهود صهاينه , وأن واحده من عيونه عوراء ..

وحتى لا نطولها عليكم وتملونها نوقف عند ملك اليهود ألأعور,,, بس أنتبهوا الحلقه الخامسه لا تفوتكم وتغرون من علوم كثيره تبي تدهشكم , وجوابات مهمه على سعالات فهمتني بها ألأستاده ,,, وأنا أعرف أن الخبلان منكم ربما يشككون فيها ,, لكن منقاش ما يهمه , وعلومه للعقال منكم اللي يصدقونه , وسلامتكم وسلامتي قبلكم ..

[الشيهان]

لا والله الا صاخ الشيطان ثم صاخ ثم صاخ الين يتصيخ مزبوط

علومك يامنقاش بدت تمشي في خطها المستقيم والملك الاعور قادم لامحاله وهم اتباعه الله يمحقهم في يوم محقته وهذا قدر وحكمه الاهيه لامفر منها ولامناص مهما كثرت وقلت المفاوضات

بس وش حكاية هذي الصهيونيه المزينه اللى دخلت في عينها قبل لاتدخل قلبها الله لايقلبها عليك قول امين

وليش اكسون موبيل بالذات هي ناقصه زيت على ماهي مزيته عزالله ان نجحت معهم الا بيدسمون شاربك وغير شاربك خصوصا انهم يملكون كل انواع الزيوت والشحوم الزفت كمان

وياما شوارب قبلك تزيتت وتزفتت

[abonayf]

راحت العروسه على المبرد

هاه انتبه وليتك تكمل سمعت انه فيه اجتماع للمتصهينين لو تحظره وتعطينا فكره عما يدور داخله ومن يحظره كان شغل مضبوط

وانتبه ترى فيه خطوط لاتعديها ثم وقتها نتبرى منك لانعرفك ولاتعرفنا

اكمل بدت العلوم تتكشف عن الزبد

[النتيف]

ما شاء الله عليك يا منقاش
أشوفك كل ما رحت ديره تخطب
كم وصلوا عدد نسوانك ؟

وتراني طالبك طلب يامنقاش بس انت قول تم
إنك تجيب لنا هالمدرسه الصهيونيه تعيد لنا دروس الصرام والدياس اللي درستها لنا
تراني ما فهمتها منك زين . اكيد نبي نفهم منها أحسن وننجح معها

[منقاش]

يا لله مسا خير , أمسينا وامسى الملك لله
الله يجعلك يالنتيف وحسن عابد بعشره كلاب جياع ومغلث تكتنفكم في ديره ما فيها شباب الضو ثم تاكل منكم حاجه تعرفونها جزى لحركه سويتوها وأنتم تعرفونها .
وبعد , نعود للردود :
أبو أمجد : جاء في ردك (علومك يامنقاش بدت تمشي في خطها المستقيم والملك الاعور قادم لامحاله وهم اتباعه الله يمحقهم في يوم محقته وهذا قدر وحكمه الاهيه لامفر منها ولامناص مهما كثرت وقلت المفاوضات) أنتهى .
أقول يبو أمجد كلامك في الصميم ويدل على أطلاعك وقوة أيمانك , الله يثبتنا واياك , ونعوذ بالله من فتنة المحيا والممات ومن فتنة المسيح الدجال ,,, وباقي علومك ماهي شينه بس أكتبها وحلها في مويه واشرب منها ثم تروش بالباقي , وان كان زاد شي أعطيه لراعي النحل اللي على بالك ..
أبو نايف : نعم الخطوط الحمراء معروفه ولا نتعداها كما نصحت ,,, ومنقاش يتخبل لكن صاحي لحوايجه ويعز عليه أنه يوهق نفسه والا أحد من خوياه , والكلام عن الصهيونيه العالميه ودارفور وفلسطين ..
أما المبرد أنتهى موضوعه وجوزناه سودانيه من بنات الجنجويد راعية بل ومفتولة ذراع ما يقابلها عشره وبنت شيخ , ونبي نشوف من منهم يحمل الثاني ..
النتيف : ما تكبك من النق والحسد وانت مالك شهرين من يوم أستملكت , وولد عمك ابن عزاب ماله يومين من يوم زاد أستملك ,, أختشى من النق واعرف أن الرزاق في السما وانتم قاعدين لنا في ألأرض ...

[شراب مقطوع]

الله يفك عنك يامنقاش الخبل
الحمد لله على النعمه

[منقاش]

ألحال من بعضه يا شراب مقطوع ,, والله يرفع عنا وعنك ,, وآمين على دعاك , والحمد لله على نعمه ..

[أبو عبدالرحمن]

والله وأنعم بك يا شيخ منقاش.

ليتك تصف لنا حالك في بعض الليالي في تلك البلاد..وعساك ما اختلف لونك...

[@ بن سلمان @]

نعمتان محسود عليهما ابن ادم
الصحة والفراغ
الله يعطيك الصحة يامنقاش والا الفراغ مكفيك
الله يبارك لك فيهما

[شراب مقطوع]

يقولون اهم خمس حاجات ثلاثه
منقاش والحمار