من يقصد العليا يجي في اعلاها

[عوض بن سلمان]

من يقصد العليا يجي في اعلاها من يقصد العليا يجي في اعلاها من يقصد العليا يجي في اعلاها من يقصد العليا يجي في اعلاها من يقصد العليا يجي في اعلاها

السلام عليكم ورحمة الله وبركاته
هذه من قديمي واللي يعطيه الله على حفظها اوصيه يعنى بها


[poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"]
يقول بن سلمان رد أمثاله = هاضت هجوسه وافتكر في باله
في صف قوم يكسبون الطالة = يكسونها قدام شق رداها

يا مرسلي فوق أدهم الياباني = تسرح ضحى من قرية الضبعاني
ود العلوم وجيب علم ثاني = من يقصد العليا يجي في أعلاها

تنصي قبايلنا خماس ثمالة = وكل واحد تسأله عن حاله
جعله بخير وثابت في منزاله = في داره اللي جيد مبناها

تنصى القبايل كل أبوهم بيت بيت = يستقبلونك في الحلال ليا لفيت
ياجاهل عنهم وكنك مادريت = لي عزوة وقت الطلب تلقاها

تنصى آل عمر في حلالهم نزاله = الربعة اللي يحتمون القاله
سواة نو يوم ثار خياله = نو السمك والبرق في منشاها

علم لهم بالعلم هذا كله = بعد السمين وبعد شرب الدله
تلقى رجال ما تصك الحله = والدار مبنية لمن ينصاها

هثم عدلها مع الديرة سنود = تنصى عيال الساعدي نعم الفهود
تلقى حلال الجود من يوم الجدود = يشهد لها التاريخ في مرساها

رد السلام وخص بالردية = تلقى الوفا منهم وطيب النيه
عاداتهم دايم من الجديه = من كان له عادات ما ينساها

هثم عدلها ومنصاك الطوال = وتحصل التكميل وعلوم الرجال
يستقبلونك بالكمال وبالصمال = في حلالهم والطيبه تلقاها

سلم عليهم عد همال السحاب = وعلم لشايبهم وعلم للشباب
لابد من حث المطايا والركاب = والحر يعرف مشيته وخطاها

وانهض وتنصى المقبلي في دياره = وسلم عليه وشوف كيف اخباره
عاني لنا ونقوم قي مقداره = الاد مقبل واسمها كفاها

واحنا لنا عادات مع عانينا = ناخذ ونعطي والوفا يرضينا
اخلاق ونيه طيبه تكفينا = والباقيه لا شك ما نرضاها

هثم عدلها ومنصاك ال زيد = اهل الكرم والجود والراي السديد
في حلال منصى للقريب وللبعيد = والرزق من فضل الكريم اعطاها

عطهم علوم ورد منا جابة = دن الرحيل وكل شي بحسابه
ابوحمد يعرف دروب شعابه = وابوه قبله كان ما يغواها

هثم عدلها ومشيك في همام = تنصى السويدي ثم بلغه السلام
في حلة ليا زرتها تلقى كرام = والقاله ليا قالها عداها

وتشاوره في اخذ العلوم وردها = لا بد من مد الحبال وشدها
حتى نقررها ونعرف حدها = ونبثها ونشوف وين اقصاها

وانهض وتنصى المشيخي في اقطاره = سلم عليه وشوف ويش معباره
ان كان وليا دارنا من داره = يبدي سواة الشمس في مبداها

ياربعنا يااهل الشرف والشيمة = ان كان وليا للديرشي قيمة
نحمي حمانا مانريد نضيمه = دون الدير برواحنا نفداها

ما عاد شي مدرق نجي في سده = غير العدو نبدي ونلطم خده
دون الحمى كل ينسب جده = ويصاحب العازات من قاساها

واحنا ليا شا الله قويين العزوم = وانتم لكم سمع وعيون ما تنوم
هذه عصاة العز في وقت اللزوم = نضربها في راس من يعصاها

ربعي حموها يوم الايام الصعاب = من شانها داسوا على عوج الرقاب
ما فكروا فيها خطا والا صواب = سعد الرفيق وكيد من عاداها

ضبعان ياساس الشجاعة كلها = اللي ليا قسيت عليه يحلها
بمشوك هز الصخور وهلها = وارسا قواعدها واشاد بناها

قر القرير وجعل خده للرحام = في جنة الفردوس يجعل له مقام
شد البعير وسلم اولاده خطام = وحصون ياعين ترى علاها

واقفا كما يقفي سهيل بخطته = هز الجبال النايفات وهزته
ياليت وليا اني خلقت في هجرته = واقفي معه عن بيعها وشراها

اختم كلامي بالاله الوالي = واذكر محمد في الجواب التالي
عداد نو هل له همالي = واحيى الديار بنبتها وبماها[/poem]وصلى الله على نبيه محمد وعلى اله وصحبه وسلم

[المشتاق]

صح لسانك يا شاعر القبيلة ولا عدمناك
والله الواجب علينا حفظها واللي ما يقدر يدونها
والله يمتعك بالصحة

[النادر]

ابا شرف

من معين شعرك نستقي ونرتقي

لاهنت ياخالي ولاهانوا الرفاقه

النادر

[أبو عبدالرحمن]

صح لسانك ...يا عم عوض

وأطال الله عمرك ..ومتعك الله بالصحة والعافية...

يحق لنا أن نضع هذه القصيدة في موضوع بطون قبيلة ثمالة...في واجهة الموقع...

لا عدمناك... ولا عدمنا قصائدك ومشاركتك معنا...

[abonayf]

ابو شرف
اسجل اعجابي واحترامي لشخصكم الكريم ولعطائكم الشعري الجميل
متعكم الله بالصحة والعافيه
لقد تم اخذ نسخه من هذه القصيده الجميله والرائعه .
تقبل فائق احترامي وتقديري

[أبو عبيدة]

صح لسانك أبو شرف ... الله يعطيك الصحة والعافيه

[بن داخل]

وكأني بابنا عمومتنا وهم يقولون لبيك أبا شرف
نحن لها نحن لها0
سلمت ودمت لنا وندعو لك بمديد الصحة والعافية 0

[أبو علي]

بيض الله وجهك يا ابا شرف تقول وتطول اشهد لله انك رجال وراعي حمية في الرفيق وفي العاني وراعي وفا في السابق واللاحق ، ما يجهلك الا جاهل . وما ينكر معروفك الا ظالم .

تميزت بهذه القصيدة التي مدحت بها ربعك ثماله تستحق ان يفخر بك كل واحد من افراد هذه القبيلة .
فنيابة عن ربعي السواعدة واصالةً عن نفسي اتقدم لك بخالص الشكر والتقدير على ما قلت فينا متمنين لك التوفيق والسداد .
بن عزاب

[شاعر ثمالي]

أبوشرف:
بيض الله وجهك - كلام ثمين ومن فكر رزين
اذا انتخيت ربعك تلقاهم . قدرتهم وهم يقدرونك.وساعة اللزوم كلنا يدواحدة.
صح لسانك والله يمدك بالصحة والعافية.

[الكايد]

ابو شرف

بيض الله وجهك ياخالي

وصح لسانك وأطال الله في عمرك
على طاعته

تحياتي