بيني وبين أبوتركي

[بن داخل]

بيني وبين أبوتركي بيني وبين أبوتركي بيني وبين أبوتركي بيني وبين أبوتركي بيني وبين أبوتركي

بسم الله الرحمن الرحيم
هذه أبيات لأحد الإخوان من أهل نجد سبق وأن تلاقينا
في مجلس عامر بالشعر بعدها قام بإرسالها لي وأجبته بأبيات
سوف أكتبها تباعا0

[poem=font="Tahoma,4,#660000,bold,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="0,0" break="breaklines/13.gif"]

لك في صميم القلب بيت ومداهيل = وابطيت ماشفتك تجي له زيارة
بيت بنيته لليالي المقابيل = الصدق ساسه والمحبه جداره
ولك فيه بستان غصونه مظاليل = على الوفا والطيب تجني ثماره
وجازيت من يغليك بقطع المواصيل = وأعلنتها حرب(ن) علي بشطارة
شفت الجفا والصد والهجر والميل = ومنك التحدي ليه ترفع شعاره
طاوعت فيه أهل القلوب المغاليل = اللي على الفرقا تسوق البشارة
أنا اللي اسهر كل ماهود الليل = ماأصدق اللي صار تصدر قراره
عليك دمع العين يجري هماليل = عزالله ان بعدك علينا خسارة
يابو سعد مافي يدي حل أو حيل = أبوك ملزم أنت تاخذ بثاره
الوضع مايحتاج يابوك تاجيل = أقولها لك وبصريح العبارة
مالي على راعي الرموش المضاليل = إلا اعترف فوزه علي بجداره
وانا برجو الله ولو طاول الطيل = يرجع لنا ترف القدم يم داره
ونحط له فيها مكان ومقابيل = وبالورد والريحان نفرش مساره

وكان لي هذا الرد

بغيت اجر الصوت باحلى المواويل = واخاوي الساري بعد شب ناره
واقول له خل النجر والمعاميل = هيا تهيض ياسليل الحراره
لكن من المشرق لفتني مراسيل = وامسيت كني جندي (ن ) فالخفارة
إمرار احط القاف وامرار أنا اشيل = وامرار اقول الجار أخبر بجاره
لاني فريض ولاش بيدي معاديل = ولا ملكت اللي تبي باستمارة
ولا لي فبعضات المواقيف تبديل = ولا خطوتي تصل الغضي في دياره
ياليت أبو تركي توجد على الخيل = والا على جيش تطاير غباره
والا على قهوة تبهر من الهيل = يصب منها قهوته باختياره
في مجلس مافارقته الرياجيل = طيب النبا والمعرفة هي مداره
والا على طير يهده ليا قيل = شوف الصقر يشبح لطير الحباره
إما وجودك مالها عندنا ميل = ولاني طبيب اللي فقلبه حرارة
من باع ودك وانت تغليه بالحيل = ذاك الردي اللي لا سقى الله دياره
بيع الردي لو كان وزنه مثاقيل = مافالردي مكسب ولاهو تجارة
وان كان ودك بالرجال الحلاحيل = اللي يردون الغضي في مطاره
منصاك ابو سلمان فالعدل والميل = تراه ماخيب خوي استشاره [/poem]

[حامل المسك]

شكرا لك اخي الكريم بن داخل مشاركه اكثر من رائعه
ابايت جميله وكلمات عذبه
ولكن لي ملاحظه بسيطه لو أنك اوردتها في المنتدا الادبي
فهذا المنتدا في امس الحاجه لك ولأمثالك من من يقولون الشعر
ونرجوا ان تتحفنا بكل ماهو جديد
وشكرا

[بن داخل]

أخي حامل المسك
جعلك الله ممن تحمله يوم القيامة
أشكرك على إرشادك إياي لهذا المنتدى
فلم أعلم منه إلا الساعة
وتم نقل الموضوع له
أرجو من المشرف حذفه من العام

[abonayf]

الف شكر ا لك ابن داخل رائع بكل ماتعني الكلمه من معنى

هذا هو السهل الممتنع فلك الشكر والتقدير على هذه المشاركه الرائعه

ونتمنى تواصلك الدائم مع هذا المنتدى

[ABO TURKI]

كلام في غاية الروعة مشكووووور اخي ابو داخل على القصائد الجميلة

أول ما دخلت الموضوع كنت افكر ان ابو تركي انا وانبسطت لكن طلع ما هو انا يا خسارة

[@ بن سلمان @]

أخي بن داخل
لوتمنيتها ما لقيتها
وعلى طاري أبو تركي تراه دايم يذكرك بالخير , ولو إنه ماخذ في خاطره
على أهل الطايف يقول إنهم يزودزن الإيجارات في الصيف .

[حسن عابد]

لك في صميم القلب بيت ومداهيل........وابطيت ما شفتك تجي له زيارة
صدق ياحليفي طولت علينا المغيب لكن بعد العيد ان شاء الله نشوفك