إلى نجم المنتدى(النجم الساهر)

[الذيب]

إلى نجم المنتدى(النجم الساهر) إلى نجم المنتدى(النجم الساهر) إلى نجم المنتدى(النجم الساهر) إلى نجم المنتدى(النجم الساهر) إلى نجم المنتدى(النجم الساهر)

بسم الله الرحمن الرحيم
السلام عليكم ورحمة الله وبركاته
ربما طال الغياب ولكنه كان بعذر ورجواي منكم أن تعذروني على الغياب
هذه القصيده موجهه إلى النجم الساهر ويشهد الله إني احببت هذا الرجل وأنا ماشفته ولا أعرفه
وفي نفس الوقت رد دين بصراحه أنا انحرجت من هاللغز اللي وجهه لي ويفترض إني أجاوب على اللغز لكن قلت نوازن الكفتين ومع أني أظن انه يجاوب
واللغز من أنتاجي شعرياً أيضاً....
النص:

[poem="font="Simplified Arabic,5,white,bold,normal" bkcolor="transparent" bkimage="images/backgrounds/26.gif" border="double,4,gray" type=1 line=0 align=center use=ex num="0,black""]
بلّغ اللي قد قصدني وأنتصاني بالقصيد=بالي بكل الموده ناخ ركبه وأستراح
طير ياسرب الحروف ورتّب القاف الجديد=به بأهدّك ياحروف وأطلق لقافي سراح
من يقول إن السهر في صحبتك لا مايفيد=وانته بعيني سهيل وشوفتك تشفي جراح
ليه يانجم السهر ياصاحب اللغز العنيد=ليه عينك بس فيَّه ليه جاوبني ياصاح
قولي وشهو براسك من مواويل ونشيد=ما أظنه لي تحدي وأنت ماابديت السلاح
كان قصدك بالتحدي فالتحدي مايزيد=غير تكريماً لشعري لبَّسه شعرك وشاح
مايفلَّك يالحديد إلا أداةٍ من حديد=والمرض منّه علاجه والتعالج به مباح
خلنا نبدأ تفاهم نكوي جروح الوريد=لو هدرنا دمْنا ذوق الشعر بالعون صاح
ودي أواسي كففنا شوف صندوق البريد=لك ديون وحق واجب نوفي ديون الملاح
جاك لغزي ياخليلي في بحر نوعه فريد=هو رجل لا مايموت وجوفه السم الذحاح
وإن توفى من صغيره تذبحه ذبحاً شديد=وله عيال العم تسكت ما تناعيه بنواح
لكن يخلَّف وراه بشدته ذاك الوليد=وإن ولد يولد بفطره دون جنساً أو لقاح
يا نجم ما فيه غيره يرتقي فوق وبعيد=وإن نزل ينزل يحول كل مالح للقراح
هو مجرد دين يرجع لاتفكرني نديد=أقسم إن حبك بقلبي كالمشي لأهل الكساح
[/poem]

وسلامتكم
أخوك/الذيب

[سنا الهجرة]

الله الله يالذيب

صح لسانك يالنشمي

بسم الله ماشاء الله وش ذالجمال الفاره

ابدعت يالذيب ابدعت

والكوره الحين في مرمى النجم الساهر بعد ما كانت بمرماك
ولا تقول انا ياكثر الكور اللي بمرماي >>> ما معي حيله

على العموم صح لسانك وعلا شانك على هذي القصيده الرائعه

والحمد لله ان رأيناك مرة أخرى وبإطلاله كهذه والتي تشهد على علو كعبك شعرياً ونبل أخلاقك شعراً ونثرا

[محمد بن حميدان]

ماشاء الله عليك يا الذيب ... قصيده جزله .... صح لسانك ....

[أبو عبدالرحمن]

صح لسانك يا الذيب

لا عدمناك.. ولا عدمنا قصائدك..

وواضح أنني غفلت عن منحك لقب شاعر

[الذيب]

ابو عبدالرحمن
أخجلتني

والله للمعلوميه أنا مبتدئ ولازلت احاول أن أصل للأفضل
ولكن هذي شهاده منك وتكفيني وتدفعني إلى الأمام انشاءالله

اشكرك
وصحة ابدانكم جميعاً

[أبوخالد]

اقول ونعم يالذيب
وصح لسانك
ابداع من شاعر مبدع
وعندي الحل

[@ بن سلمان @]

صح لسانك يا الذيب
لا عدمناك

[مواطن]

مشكور أخي الكريم على تواصلك وصح لسانك

[الذيب]

النجم وينه يالربع لا يكون مايدري عن اللغز

خبري بالنجم لمعته تقعد بالسما ليلتين حتى بعد مايغير مكانه

[الحجاج بن يوسف الثقفي]

وش العلم ياجماعه
اليوم مزاجي ملقوف وفاضيكم ماوراي ولا شغله