هل تعرف ماهي الثيران المعممه تفضل بالدخول

[الشيهان]

هل تعرف ماهي الثيران المعممه تفضل بالدخول هل تعرف ماهي الثيران المعممه تفضل بالدخول هل تعرف ماهي الثيران المعممه تفضل بالدخول هل تعرف ماهي الثيران المعممه تفضل بالدخول هل تعرف ماهي الثيران المعممه تفضل بالدخول

يقلون في ماضي الزمان كان هناك رجال شيخ قبيله والرجال كان عارفه لا يستهان بعرفه وحكمته وخصمته وعقب له ولدين وكبروا تحت نظره والرجال دعر في السن وكبر بالحيل المهم جاه بعض خماس ربعه وقالوا له ياشيخ الموت حق وانت لو قفيت عنا من يقوم محلك واحنا والله ما ودنا نختلف من بعدك ونبغيك توصي من اليوم لنا بالرجال اللي يخلف مكانك في خير

فكر الرجال في العلم والا هوصحيح وعلم في مكانه وقال والله ما اشوف لكم احسن من ولدي فلان (( وهو الصغير من عياله ))
بس العلم ان ولده الكبير شري ولا بيترك الشيخه وهو هبيله ولا عنده من علوم القبايل ولا زنه
هداه تفكيره الى خطه يخليه يعرف حجمه بطريقه مؤدبه وذكيه
جمع الرجال عياله يوم وقال اسمعوا ياعيالي ابغاكم في علم ....... قالوا ابشر انت تامر على الرقاب

قال ابي كل واحد منكم يروح من درب واحد يحدر الوادي والثاني يسنده ووعدنا بكره كما هذي الحزه كل واحد يجيب لي خمسه ثيران ( معممه )

انطلقوا الرياجيل اما الكبير حدر الوادي وعلى اوله على الماقفه وهو ينقي له هاك الخمسه الثيران اللى تبيض الوجه وهو يعربن فيها ويقول لراعيها خلها عندك الين اجيك

ومن عنده على سويقه وهو يقطع له عشر هنداسات قماش يحبه قلبك ويسوق نفسه على راعي الثيران ويحاسبه ويقطع القماش خمس قطع ويكوف على راس كل ثور قطعه وهو يحتاشها على الديره

اما الصغير فهم الهرجه وهو يسند الوادي ويدور على جماعته وكل ما حصل واحد قاله ياعم انا جايك ودي انك تعلمني بعض العلوم ويتنشده عن علوم القبايل والحقان وماحولها واذا خلص قاله ودي تعلمني كيف اقراء سورة الفاتحه

ان قراها شاله من باله وان تحرول عندها حطه في باله الين ليم له خمسه وهو يعود عليهم واحد واحد ويقولهم ابوي يبغاكم في علم ضروري

ويوم جا الوعد والميعاد وهو يجمع خماس القبيله ويعلمهم بالحكمه اللى ارسل بها عياله واذا هم ضاوين واحد يسوق في الثيران الحقيقيه والثاني يسوق في الثيران الوهميه ويوم ضووا عليه قال للخماس هاه وشرايكم ياخماس القبيله في العلم

قالوا والله الهرجه معروف والعلم له بطن وظهر واللى فهم علمك هو ولدك الصغير ولا غيره محلك ابدا

فهم الكبير انه اكل المقلب ورضي بنتيجة الامتحان

وسلامتكم

[بن داخل]

وش تقصد أبو أمجد
لا يكون................ الله يستر
خلينا عند اللي نعرفه وما شابهه

[@ بن سلمان @]

قصده يقول ان اكبرنا ابن ابي محمد
واللي يقود فيهم , الرويعي , وراعي السواني , ومنقاش , حرك بن برك

[حسن عابد]

ابو امجد الله يهديك اصلا ما هي بقر معممة هي حمير وانتم بكرامة ولكن للرفع من قدر الحمار قيل بقر معممة وانا اقول لكم ماهي الحمير الخمسة
حمار منقاش وحمار القايلة وحمار غوار والحمار اللي يقولون مات في المداعة وحمار ضاع عليه

[اسير الصمت]

ابو امجد
الله يرحم من قالها
وانت وبن داخل عيال عمي
مخلينها امسكلي واقطعلك

[الشيهان]

بن داخل وبن سلمان الله يهديكم لا تقولوني شي ما قلته


ياحبكم للفتنه وياكرهي لها




حسن عابد والله الراوي يقول انها ثيران يمكن الحمير في قصه ثانيه الله هو اعلم


اسير الصمت الله يسمع منك

وهذا حل الدنيا وان بغيت تتعاون معنا انت امسك لنا واحنا بنقطع لك ياولد عمي

[الحجاج بن يوسف الثقفي]

شدوا حيلكم في بعض ياعيال العم
كل واحد يمسك للثاني
ططططططططططططاط
هههههههههههههه