ماني بطير واركب الريش واطير

[@ بن سلمان @]

ماني بطير واركب الريش واطير ماني بطير واركب الريش واطير ماني بطير واركب الريش واطير ماني بطير واركب الريش واطير ماني بطير واركب الريش واطير

الاخوة في منتدانا الكريم
سبق ان كتب الي شخص عزيز وهو الصاحب الصادق الصدوق خالد بن سعد بن مسعود والذي كان حينها موفداً في الممثلية السعودية في ايران رسالة يبدي فيها حرقة الشوق الى اهله وارضه وقد ضمنها الابيات التالية :

[poem=font="Simplified Arabic,4,#000000,normal,normal" bkcolor="" bkImage="" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
ياراكب اللي فالسماء تسبق الطير = طيارة تحمل شعار السعوديه
تطير من طهران وتحث فالسير = ملك الوطن والله ماجات عاريه
منصاك بن سلمان ياعله بخير = بديار نجد اللي لها مقدريه
وليا وصلت الدار ماوالله تسير = تبي تلاقي دلة الشاذليه
صب وتقهوى في فناجيل تقدير = بلغ سلامي ثم ثن التحيه
عطه علومي لو بغى منك تقرير = وصله اكتابي وعجل عليه
الهم قاتلني ومن جرف في بير = والحظ مايل لو تحنت يديه
العير لو حمل يبي يطقع العير = والرجل لو حمل شكاله خويه
انت الخوي ياعزوتي دون تقصير = انت الوفا كله وغيرك رزيه
ودي تشوف الحال مع فلم تصوير = قبل الرجال تقول هذه خطيه
لا تترك المشتاق من دون تنوير لا تترك الحافي بليا مطيه
.................................................. ..................................................[/poem]وقد اجبته بالابيات التالية والتي اتمنى ان تحوز رضاكم ودمتم سالمين


[poem=font="Simplified Arabic,4,#000000,normal,normal" bkcolor="" bkImage="" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
يا مرحبا باهـل الوجيـه المسافيـر =الـلـي لفونابالعـلـوم الـوفـيـه
من طارف المشرق لفوا عندي عصير =من عقب حطوا سـد وادي ضريـه
جونـي بعلـم كـدر البـال تكديـر =وامسيـت فـي ليلـه عليـه قويـه
ماني بطير واركب الريـش واطيـر =واصلك أنا يابو سعـد فـي شويـه
أضحك معك واهرج واسلي خواطيـر = باتـت مـن همـوم الليالـي خليـه
ولاحطني سلطـان للمكتـب مديـر =واكتب نقولـك ليـن تمسـي هنيـه
يابو سعـد فكـرت فالعلـم تفكيـر =وليـن مالـك فالعـمـل معـذريـه
اصبـر توسـى بالرجـال الغناديـر = اللـي معـك منتـه بهايـن عليـه
تب تنقضي الايـام وانتـه فتدبيـر =حـي كتبهـا جعـل ماهـي رزيـه
دام انت في ظـل الملـوك القناعيـر = خـل الخمينـي والوجيـه الرديـه
من عقب هذي أقول تمسي على خير = مـا عندنـا الا نطلـب المعـذريـه[/poem]

[abonayf]

اعان الله ( خالد بن سعد بن مسعود ) على غربته ان كان مايزال مغتربا وهنأه الله بوصال محبيه ان كان قد حل قريبا منهم .
وصح لسانك بن سلمان على ماقلت وشكرنا لك لمشاركتنا بمثل هذه القصائد

تحياتي

[خلف بن عبدالعزيز الثمالي]

ونعم فيكم الاثنـين ,,
المخلص لكم / خلف بن عبدالعزيز

[بن داخل]

أخي بن سلمان والله ماودي غير أصكك ببيتن من اللي يحبها قلبك
عسى ولعل تثور قريحتك وتمتعنا بإبداعاتك
أقول الله ييسر لك بشاعر يثير قرائحك
أخوك / محمد

[النادر]

اباهبه

انت وابو سعد s71.gif

ننتظر القادم والذي اراهن انه احلى

النادر

[أبو عبيدة]

ابو هبه /

صح لسانك والله يعطيك العافيه .....

نسأل الله ان يعين كل غريب على غربته .....

[@ بن سلمان @]

ابا نايف /
ابشرك رفع الله عنه الغربه
وهو من سنه تقريبا في الرياض

ابا وليد /
ماعليك زود

[المبرِّد]

صح لسانك يا الحبيب

[@ بن سلمان @]

بن داخل /
لا تصكني ولا أصكك
كنت مصدق نفسي شاعر لين طلعلي في الرز بصل
انا وين والصاروخ وين ورجعة النادر ثانيه
كنت انت أول تجاملني والحين أبتلصق بكم ولا تخلوني

[الصاروخ]

بن سلمان:
القصيدتين جميلتين والمناسبة تحرك العواطف.

بعدين تقول ابتلصق بابن داخل والنادر والصاروخ . لابالله الاأنت على قدم المساواة ومافيك قصور ويكفيك شرف صلتك بالمخضرم أبوشرف .