تاريخ الصقور

[خلف بن عبدالعزيز الثمالي]

تاريخ الصقور تاريخ الصقور تاريخ الصقور تاريخ الصقور تاريخ الصقور

بسم الله الرحمن الرحيم

أعزائي القراء هذه القصيده أهديت قبل أربع سنوات الى خادم الحرمين الشريفين الملك فهد بن عبدالعزيز رحمه الله وأسكنه فسيح جناته وقد منحني رحمه الله خطاب شكرٍ بمثابة وسامٍ على صدري أعتز به مادمت حيا وهذه القصيدة أو الملحمة الشعريه تتحدث عن تاريخ الدولة السعودية الثالثة بدءاً من إنطلاقة المغفور له بمشيئة الله الملك عبدالعزيز بن عبدالرحمن آل سعود من الكويت ومروره بيبرين حيث استعاد مدينة الرياض وهنا تم له تأسيس الدولة ومن ثم أخذ بتوحيد البلاد وقام بالكثير من الإنجازات التي اخذت في الإزدياد في عهد أبناءه البرره حتى يومنا هذا الذي نتفيء فيه ظلال الخير الكبير في عهد ملك القلوب خادم الحرمين الشريفين الملك عبدالله بن عبدالعزيز آل سعود حفظه الله ورعاه وكانت المناسبات الجميله قُبيل الأربع سنوات بمثابة القشه التي قصمت ظهر البعير والتي جعلت هذه القصيدة تتمخض بالتعبيروالذي أتمنى من الله أن ينال أعجابكم وكان من بين تلك المناسبات الجميله إضافة الى مناسبتي
التأسيس والتوحيد المناسبات التاليه
اليوم الوطني ’ مرور عشرين عاماً على تولي الملك فهد رحمه الله الحكم
في البلاد,حصول الرياض على لقب عاصمة الثقافه’أهم الأحداث العالميه والإسلامية والعربية والمحلية مع إلماحه على حال الشباب في آخر القصيدة
هذا والله أسأل ان يحفظ ولاة أمرنا وان يجمعنا على كتابه وسنة نبيه
وان يجعل الألفة والمحبة بيننا إنه مجيب الدعاء
[poem=font="MS Dialog,4,#000000,normal,normal" bkcolor="" bkImage="" sdImage="" border="none,4,#000000," type=2 line=0 align=center use=0 shcolor="" shgcolor="" gwcolor="" stretch="0" pwidth="0" num="1,#000000" break=""]


عُد يازمن الفين واثنين عودي=عود قرن واعوامٍ ثلاث إرجع سنين
يمكن نشوف الصقر طاوي الحدودي=ومنزّل النعرات من روس غاوين
حُر ابترم بالليل عاف الرقودي=عاف المكوث اللي على غير تمكين
إشتاق للمربى وآل السعودي=واحتر من قومه بدار المحيين
ماقال ابسلَم واستطاب القُعودي=والا تعذّر من رجال ومزايين
نفض غبار الخبت باقصى المهودي=ثم إعتلى الشرقي وريّح بيبرين
رسم بيبرين الخطط والمجودي=يسوقه الرحمن والناس غافين
الله واكبر يوم شق النجودي= ولياه بالمصمك يحط الجناحين
خلّى القطا هي والرخم والقهودي=تجلى عن المصمك وذيك الرياضين
من بعدها خبّر مخبِر سرودي=المُلك ل الله ثم للصقر شاهين
الله وهبه الملك يومه يجودي=عطاه للي ينصر الحق والدين
وتأسست دولة عريب الجدودي=قامت على الإسلام مصحف وتسنين
ماعاد به عجلان والا رشيدي=ماعاد به خالد وعايض ويامين
حتى الشريف اللي تولّى السنودي=ولّى عن الديره بصفق النياشين
بيّن للاخوان الطريق السدودي=وأخمد رفاده والمناوي وعجمين
والباقيات الصالحات الركودي=مميزين العلم من غير تحزين
وتوحدوا العربان حتى المدودي= كلاً عرف حده ووضح العناوين
واخرج بدعوه طيبه بالهجودي=ثروة بلاده من وقود ومعادين
خدم بها دينه ورسّى الوتودي=وأرسى لنا الرايه تشوق الملايين
غفيت ياصقر الجزيرة الجلودي=وسط الرياض وبين ربع ومحبين
ودّعتهم يوم الأجل عند عودي=ودّعتهم والدمع بايمان ذربين
بعدك يابوتركي رجالٍ تسودي=على خُطى بينتها دوم ماشين
منهم سعود اللي من أول عضودي=أبلى بجهده وزيّن الدار تزيين
والفيصل اللي حد بعض الزيودي=حشد لصهيون الجنود المتاقين
قطع عن أهل الغرب خط الوقودي=لجل العرب والقدس تبقى لفلسطين
من بعدهم خالد بخيره ينودي=أضفى المقصّب فوق دار ومساكين
واليوم جاء عصر الفهد والفهودي=رمز السياسة والتطور ل هلحين
هو خادم البيتين عنها يذودي= وموزّع المصحف على كل حيين
وسّع بيوت الله للامه وزودي=وارتاحوا الحجاج واللي مصلين
عساه يبقى ذخرنا بالأبودي =شيخٍ ذرانا من فعول الشياطين
منهم عريبي داهم اللي سجودي=في يوم نازي مع جماعه وناوين
بيّدهم الزيزوم بام الزنودي=وارهف لهم حد السيوف المكامين
ثم التفت ولين هاك الحشودي= تحتل بالباطل ثرى دار وافين
قال انت ياصدّام مخطي جحودي=نسيت يوم أبعدت عنك البعيدين
ثم ارتكى له لين تل السكودي=بالباتريوت حتى خرج من دسيمين
ناهج على نهجه حكيمٍ ورودي=أحيا تراث أجدادنا بالشرايين
عضيد فهد اللي تولّى العهودي=عبدالله اللي زار تكسس وبكّين
حرس وطنا مايبي له شهودي=يمشي مع ابن الدار واللي مقيمين
محلى التواضع منه ويا الزهودي=محلى انبساط الوجه قبل الأيادين
ياسيّدي ليتك تعيش العقودي=اللي بقت من عمر الايام آمين
والنايب الثاني سواة الرعودي=سلطان يعرف منتهى الشد واللين
كمّل لنا جيش النشاما الأسودي=الواثبين ليا أقرع الطبل دندين
والنايف اللي مايعرْف السهودي=يسهر على امن الشعب عينه تراعين
وبو فهد سلمان رجلٍ ودودي=اللي يلم الشمل مابين نائين
يبني قصور الخير يبذل جهودي=خيره يعم أرضه وبعض الأراضين
عقّب لنا سلطان هاوي الصعودي=اللي اعتلى بالجو نسل السلاطين
الرائد الأول ليعرُب ريودي=ب يساره الدنيا ومصحفْه ب يمين
ماشفت ياصقر الجزيره الطرودي=أحفادك اللي فعلهم جاوز الصين
فهد وفيصل فعلهم به نشودي= يرحمهم الله كانوا بالخير ساعين
خلوا الرياضه في بلدنا الصمودي=تاصل لعالمها وترجح موازين
وهاذي الرياض اللي تجيها الوفودي=هي للثقافه العاصمه بعام الفين
شوف الطُرق وجسورها اللي صلودي=والنور والهاتف تعدى الميادين
شوف المدارس والمساجد وجودي=والماء ومستشفى ودور المسنين
حتى السفر ماصار فيه الضهودي=بوينق باص قطار والسفن راسين
كلٍ بنى بيته بساس وعمودي=يحفر بيار ويزرع النخل والتين
ياخذ من الدوله قروض ورفودي=يانعمة الله نحمده لاتزولين
الله ثم الشيخ ثم الرصودي=مابعدهم ماقبلهم يامنيفين
وشلون خاينهم بعد ذي العدودي=يقوى على الخونه ونصب الشراكين
وين اليمين وين ذيك البنودي=وين الأصاله والوفا ياخبيثين
حقك من الشرع اكتمل يا الشرودي=ماهو من القانون لاصرت لاجين
والمُلك باذن الله مادام الوجودي=يبقى لمن بيّه تعب بالرياشين
عز الله انك كنت قبل الشحودي= تنعم بعيش ومال عندك دربزين
لو ماأنت مخطي ماتغطي الخدودي= اللي ربت في دار مغلي القريبين
ماينقصك يابحر قطره تحودي=ماينقصك يا بر ذرة غبارين
ياديرتي حبك مكن بالكبودي=ياشيخنا نفداك بالروح والمين
يالله يارحمن زيل اليهودي=من الديار المسلمه والمضلين
دمّر بعد شارون هاك اللكودي=اللي وطى الأقصى على غير تثمين
والروس دمّرهم بذيك البرودي=اللي عثوا الشيشان من دون قزوين
وانصر بعد أفغان واللي كرودي=واللي كسوفي واذربي عين يامعين
والصرب دمّرهم بحربٍ تبودي=واجعل بني البوسنه والالبان هانين
الماضي اللي راح ماضٍ تلودي=عرب واسلام ومعارك بحطين
قادوا العجم والفرس والروم قودي=واليوم بين الشرق والغرب جاثين
نبكي على الدّرة وذيك الهمودي=والحيل طايح ماتحرّك ظلاعين
نشجب ونستنكر ولابه فيودي=قمة ورا قمة ولابه مضامين
لن الشباب اليوم صاروا مرودي=واتطبعوا بطبوع ناسٍ غريبين
ماظنتي يرجون جنة خلودي=والا يعزون الوطن والمرفّين
لابس بلوزه وجنز لبس القرودي=والشعر كابوري وقصة تكارين
متأثر بمايكل وفايد ودودي=مدمن على الكوكتيل من عقب تدخين
يلعب بالانترنت يضبط وعودي=يرسل بجواله رسايل لشيرين
لو جبت له مفطّح وضلع القعودي=قام وتفجّع قال وش فالمواعين
اكله بطاطا فوق تونة قلودي=والا بعد بتزا وكتشب ونارجين
ماجاك بعلوم الرجال القدودي=هرجه عن الفديو واوربت وببسين
ماتعزله عن مبرزات النهودي=ومسلهمات الخُرس في بار مركين
راكب شبح واحيان ماكس وفرودي=وليا رسب تشري له امه ستروين
أزعج بها العُقّال صارت لهودي=والا انتهى منها بسرعة مجانين
حيث الأبو والأم ماهم شدودي=بفلوسهم والموت صاروا محازين
يابو محمد والوليد وحمودي=ياام النشاما والبنات الأديبين
أنتم مدارس قبل كتب بجرودي=وانتم نواة التربيه والمربين
دوم اسألوهم لا تصيروا لبودي=ثم احفظوهم عن مجالس فليتين
من صلبكم امة محمد جنودي=من صلبكم شعب الفهد ياعريبين
مايحتمل الفين حيٍ يمودي=واللي يمود اليوم ياكيف يثبين
والعيش بعد الفين صاير عنودي=حكم القدر طبع الزمن ياعزيزين
يالله يامهلك قبيلة ثمودي=ياواهب سليمان ملك ومخازين
احفظ لنا فهد العرب والبلودي=والدين وحماته ومن فيه داعين
وارحمني يارحمن بعد الرجودي=اغفر ذنوبي تب على كل مخطين
شابت قوافي الشعر قل الحصودي=واستنفذ الصقر الخبر بالمواطين
والعذر يا اخواني على ذي الردودي=ان زل بي الهاجس على ناس غالين
وان ما عذرتوني على ذي القصودي=الروح ويديني لكم ياسليلين
ماحرّك الهاجس وحرفي الجمودي=غير الفهد يومه حكم قبل عشرين
والختم صلوا عد نجم و ورودي=عد البشر والطير عد الرياحين
وعداد مازف البحر من صيودي=على احمد أشرف الرُسل والنبيين[/poem]

وعساكم سالمين

[أبو عبدالرحمن]

ما شاء الله

عساك على القوة أبا وليد

صح لسانك

[ABO TURKI]

ما شاء الله
صح لسانك يا ابو وليد
معلقة في غاية الروعة من شاعر فذ وقدير
أسأل الله العلي القدير أن يوفقك وعساك على القوة
ولا أقول القصيدة من ساعدي ولكن أقول القصيدة من ثمالي ولنا الشرف
والوسام الذي حصلت عليه وسام شرف لثمالة جميعا

[النشمية]

ماقصائدك إلا المنتدى وما المنتدى إلا قصائدك يا أبو وليد لم تترك مجال للإبداع إلا وطرقت بابه وتستاهل الوسام ليس فقط في هذه الرائعة بل وسام المنتدى أيضا

[abonayf]

ماشاء الله تبارك الله
استحققت وعن جداره مانلته من وسام ومهما قلنا فهذه معلقه وليست مجرد قصيده .
احترامي الشديد لشخصكم الكريم

[الديك]

كوكوكوكوكو=جميله قصيدتكو




كوكوكوكوكوكوكوكوكوكوكوكوكوكوكوكوكوك

[أبو عبيدة]

ما شاء الله

صح لسانك يا ابو وليد ...

[الساعدي]

صح لسانك ابو وليد

[@ بن سلمان @]

ابا وليد
صح لسانك
حقيقة اثريت المنتدى الادبي بتواجدك

[ابو عادل]

صح لسانك ياأبووليد
قصيدة متعوب عليها ومن معين لاينضب.