ايام الثانوي ومصاحبة المنسمين

[الحجاج بن يوسف الثقفي]

ايام الثانوي ومصاحبة المنسمين ايام الثانوي ومصاحبة المنسمين ايام الثانوي ومصاحبة المنسمين ايام الثانوي ومصاحبة المنسمين ايام الثانوي ومصاحبة المنسمين

بسم الله


ايام الدراسه وخاصتا في ثالث ثانوي سنة التخرج والسنه التي تعتبرمن اهم السنين في حياتنا
اقترح علي مصرقع اللي كان معايه قبل فتره في المنتدى انقل من مدرستي الحاليه الىمدرسه جديده
علشان اقدر اجيب نسبه حلوه وادخل الجامعه واشق طريقي (بمشرط )واطلع من الماءوحثال الطين << الله يذكرك بالخير يامصرقع ( مع العلم ان مصرقع خلص الثانوي بنسبة 68% )

فانا قعدت اقلب الفكره براسي وادرسها وارسم خطط لمستقبلي ووش ابطلع وان حياتي بتتغير بعد وصولي لثالث ثنوي بصير كبير ومحد قدي ولازم اترك ايام الطفوله و اللعب وقعدت هذاك الليوم سهران افكر ولا نمت احتري الصباح يطلع علشان ادق عليه واخذ رائيه ببعض المدارس بحكم انه اكبر مني وماعندك احد

بعد ما طلع الصباح وتحديداالساعه 6 الصبح دقيت على مصرقع وقلتله لازم اشوفك اللحين ضروري غسل وجهك وانزلي تحت تلقاني بالونيت قبال بيتكم لا تتاخر علي ..

نزلي وقالي هاه يامنسم وشعندك وين ماخذني من الصبح .. قلتله ابيك تخاويني ندور لي مدرسه
وبعد كم اتصال من مصرقع قالي يامنسم لقيتلك مدرسه لو تطير السماء وتوقع ما تلقى مثلها وقريبه لبيتكم خطوتين وانت بحوش المدرسه .. قلتله حلو حلو خل نروح لها

ورحنا للمدرسه وقابلنا المدير وقعدنا نتكلم معه شوي وننفخ راسه بهالكلام الرخيص لين اقتنع يقبلني عندهم بعد ما عرف ان نسبتي في ثاني ثنوي 96%
وقالي خلاص يا منسم انت رح وبكرا جب لي ملفك واوراقك كامله علشان نكمل عملية التسجيل تكفى عمليه جراحيه
وجبتله الاوراق وتمت عملية التسجيل بنجاح بتقدير امتياز ولله الحمد

وبعد اسبوع من بدايةالدراسه للسنه الجديده بديت اداوم بالمدرسه ورحت دخلت على الوكيل وسلمت عليه وقلت له انا طالب فرش بقراطيسه مسوي لغه عليه وين فصلي مسوي مجتهد.. قالي هذا اول يوم لك عندنا .. قلت له ايه وش رايك يعني .. قالي وش اسمك .. قلتله اقزوز .. قالي خلاص رح فصل 3\ب ( هذا الفصل كانواجامعين فيه كل سرابيت المدرسه والمنسمين )

واروح ادور الفصل الا والقاه بس الباب كان مقفل واقوم وارجف الباب برجلي احسب محد داخل الا والباب مسنتر في صلعة مدرس الرياضيات ويصفط على الارض واجي ابغى اكحلها واحاول اساعده علشان يقوم الا واتعركف بالماصه واصفط على الارض ومن زين الحظ تجي ركبتي بجبهة هالمدرس المسيكين اللي ماسلم مني وهو ما شافني عاد هو سلكها لي بحكم اني طالب جديد وقالي رح اجلس هناك حطني في اخر الفصل عاد طلاب الفصل اشكالهم كانت شبهه بقوه تقول شواكيش سلمت عليهم ولا احد رد علي قلتلهم ردوا السلام مسلم على يهود انا عاد هم استحوا وردواالسلام

ويوم جت الفسحه جاني واحد الله يسترعليه ماني قايل اسمه ( اكبر مهستر بالمدرسه ) يتعرف علي انا توقعت انه بيسالني وش اسمك من أي مدرسه جاي مثل اساله الطلاب اذا شافوا طالب جديد

عاد تعرفون وش قالي

هيييه انت ياابو شعر ( كان وقتها شعري طويل وناعم ياصل الا تحت كتوفي ) .. قلتله: وش تبي يا شفاط النمل ( خشمه كبيييير ) .. قالي: تدخن انت ولا توك ورع .. قلتله: الورع في بطنك انااكل الدخان اكل .. قالي اشوا وقعد يتعرف علي وسواليف ومنا ومنا وانا ما غير اشلخ عليه وهاتك ياصرف من الرخيص لين انتهاء الدوام

واحنا طالعين انا رايح بركب سيارتي واروح للبيت والاويجيني مصرقع تعال اعرفك على الزكرت ..قلتله : وش الزكرت وش معناتها( باين اني من جنبها ) .. قالي افااا هذي اولها يامنسم

المهم وعرفني على الزكرت هذا (ابولسعه) وهذا (ابو هاجوس) وهذا (الصامولي) وهذا (ابو عاكوف) وهذا (ابو صعفق) قلت لهم وانا اسمي اقزوز
المهم قعدنا نسولف شوي وانا كني سبيكه جالس مع هالملكعيين نص كلامهم ما افهمه الا ويسالني وراك يا منسم ما تدخن (عاد انا ما اعرف الدخان ولا عمري مسكت زقاره) قلت ما معي توني طالع من المدرسه الا ويمدلي زقاره ويقولي خذ اخذتها واول ما شبيتها قعدت اكحكح بغيت اموت وقتها قلولي وش فيك ياهبل اولمره تدخن .. قلت لهم لا انا متعود على الحشيش كبرنا على الدخان .. قالولي انت تحشش .. قلت ايه بس ما احشش الا وانا سكران (اخاف يصير معهم حشيش واقعدبها) .. قال لي كفوو يالذيب .. (رديت عليهم وعلامات استفهام فوق راسي) الذيب قصدكم اللي مع ماوكلي انا ما احبه ابي اصير ارنب لان شكله احلا من الذيب .. قالو لخويي انت شكلك جايب لناصوص توه فاقس من البيضه .. ناظرتي وقالي منسم وش انت من الطيور<< سؤال دايم الدشير يسالونه .. (وقتها انا قلت لازم اسوي قوي وما اطلع صوص) قلت له دجاجه(وجه واحد سبيكه) .. قالي: هههههه طيب وش انت من لحيه .. (عاد انا توهقت وقتهاوما عرفت وش اقول) قلتله عوارض وش تحسب يعني.. قالي: هههههه يا عيال شكل خويناسبكبك .. قلتله وش يعني سبكبك .. قالي يعني رهيب وفله وقوي .. قلتله يعني زي قلندايزر وسوبر مان .. قالي ايه يا شاطر

ويوم ورا يوم (حبيبي ما جاني نوم) وانا جالس مع هالشله وجمعة الدشير تعلمت اللكاعه على اصولها والدشره من جذورها وصرت ما امشي الا وبكت الاحمر بجيبي اللي فوق مع اني ما كنت ادخن الا قدامهم علشان مااطلع خبل ولا حتى من دون ما اكن علشان ما اقعد اكحكح ويقولون لي ياهبل

وصارت لي مشاكل مع الوالد لانه شاف بجيبي دخان وقطع عني المصروف واخوياي القداما صاروا يتهربون مني علشاني صرت اماشي هالدشير وعيال عمي اذا شفتهم يضحكون بوجهي مجامله والاماودهم يشوفون خشتي مره ثانيه علشان ما ياخذون الجيران عنهم فكره شينه وانقلبة حياتي من جنه للجحيم

ودارت الايام لين خلصت سنه التخرج بنسبه 62% والسبب كله من ورا هالسرابيت اللي ما تركوني بحالي كل يوم وهم يدقدقون بواري عند الباب يقولون لي هجوووله


وتسببوا في سفري لديرة الكفارعلشان القى جامعه تقبل هالنسبه اللي مثل خشة صاحبي

مايستفاد من هالسالفه

1-لا تستشير واحد مثل مصرقع في اختيار المدرسه الجديده وانت تعرف انه ما عنده ما عند جدتي

2-انتبه لا ترجف باب الفصل وانت منت متاكد انه ما فيه احد داخل الفصل

3-لا تماشي سرابيت مثل صاحبي وربعه لان لو فيهم خير كان فادوا نفسهم قبل لا يفيدونك

4-التدخين ماهو مقياس للرجوله اللحين تشوف لك ورع توه ما خلص الثنوي وشاب بيده زقاره تقوله ليش يقولك لاني رجااال وهوالشنب ما بعد خط بوجهه خط والاتعبيرههههههههه

5-ولا تحاول تصير ملكع لان اللكاعه تجي بالفطره واذاحاولت بتاكلها على وجهك


الا على فكره معكم زقاره علشان امسكها بيدي واناانزل الموضوع لا يشوفني صاحبي من دون زقاره ويقولي افاا يابو تنسيم طلعت كلام فاضي"""""""""""""""""

[H Y T H A M]

الله يشفيك يالمفهي

[الحجاج بن يوسف الثقفي]

انت اللي رجعته
الله يرجك

[حسن عابد]

تشكرات منسم بيه