حارة اللبنانيين

[ابو نشقه]

حارة اللبنانيين حارة اللبنانيين حارة اللبنانيين حارة اللبنانيين حارة اللبنانيين

سلام علييييييييييييكم كل واسمه والنظر سلام ( داخل بشتله ابو الشباب)

كيفكم يا أصدقاني عبر الشبكه العنكبوتيه والله لكم وحشه منقاش ورويعي وحسن عابد وقزوز مبنشر او منسم كله واحد وكل الاعضاء لكن خبركم اجازة ربيع والمثل يقول : اجازه في اليد خير من انتداب على الشجره ( اقول اخلص اخلص قال يعني جايب مقدمة ابن خلدون)





بصراحه يا جماعه صار لي كم يوم وأنا طفشان مررررررره ومتكدر ولا ذقت نوم ولا ذقت أكل والحاله صعبه ... وكله بسبب ان لبنان مو مستقره اوضاعه .. وشكلها خربت علينا الصيفيه !! .. أنا ماهمني بعض الحاجات اللي يسووها الشباب الوحشين ( تكفى يالبريء)أنا همتني أليساء اللي يقولون إنها جتها إصابه وهي عباره عن إغماءات متقطعه من آثار الخوف اللي صابها من صوت الإنفجارات ولاني كنت متفق معها على تصوير فيديو كليب بشهر فبراير القادم ( ترا مدري فبراير عدا ولا ما جاء للحين ) المهم اشوف المسيكينه خاطرها تصور معي .. تقول مليت من هالأسباني اللي كل يوم أصور معه وابيك أنت هالمره ..


تخبرون الأخلاق قافله والنفس شينه ... قلت خلني أروح لحواري اللبنانين ( في الطايف مافيه حارة لبنانيين لكن مادام الموضوع موضوعي انا حر ان شالله احط حارة امريكان حتى) ( طيب ليش معصب؟) المهم قلت أوسع صدري واتفرج عليهم لان بعض الوجيه تفتح النفس و والله وتمسك واروح لحي شهار ويوم مريت مع ذاك الشارع إلا ذيك اللبنانيه اللي عمرها 19 سنه تطرح الطيور اللهم يا كافي ويوم شفتها وألف عليها بالسيارة أبي أدعسها وهي توخر .. تصدقون إني دعستها إلا شوي .. ويوم تعديتها واريوس عليها أبدعسها بعد ها قالت العمى شو بك ؟! إبتسمت إبتسامه تقوطر بلاهه وقلت لها كنت أمزح يابنت اللذين !! هي ما فهمتها وضحكت بعد وحسيت إنها إرتاحت لي وحبتني من جد !! .. قالت ممكن روح معاك شويي ناخذ شي فتلي ( لفه ) قلت أفا عليكي والله .. اركبي وإذا ما شالك الونيت يشيلك الشفر !! وأنزل وافتح لها الباب علشان تركب ... مهوب إحترام لها ولكن الباب خربان ويالله وبالله ينفتح !! ويوم ركبت وشميت العطر اللي معها وتحوم كبدي لأني بحياتي ما شميت عطورات لبنانييين كل اللي نعرفه رفدور وانيس انيس !! واقوم واشغل المسجل على آخر شي ولاكانها موجوده معي !! ... وهي تقزني وهي فاكه خشتها وتقعد تصارخ بوجهي وانا يالله أسمع صوتها من صوت المسجل ويوم شفت وجهها طلع احمر واطفي المسجل قلت خير !! وش فيه !! قالت شو مالك ولا كني موجودي معاك ! ياخيي ئدر مشاعري !! قمت ودددددبجتها على الكتف بغيت أمصع كتفها قال يعني إني اسلوب هالحين ... قلت وش إش اسمك ؟ قالت رولا كوسه !! قلت هلا والله فيك ياأم كوسه .. قالت وإنتا شو إسمك قلت ابو نشقه .. قالت إنتا من مواليد برج شو ؟! قلت للأسف والله ما أعرف أتكلم روسي .. !! قالت .. أنا ماعم بسألك عن الحكي الروسي انا بسألك عن البرج ياللي إنتا إنولدت في؟ قلت أنا مولود بالبيت ماوُلدت في برج ! .. حامت كبدها مني و قالت أنا يا محاكيتك ( محاكيتك؟ هذي لبنانيه من الدوادمي) مولوده ببرج الحمل ... قلت أجل أنا مولود ببرج الثور !! وحسيت إنها خقت معي لأنها قالت شو كتيييير إنتا مهدوم ( مهضوم ) واستحيت منها وصفقتها على وجهها مخمس وقلت يابعد قلبي والله الحين أعشيك على حسابي ولا يهمك وبأحلى مطعم بشارع عكاظ يارولا .. قالت لا بدي مطعم بالسداد.. قلت والله؟ ايه هين قابليني وبعدين السداد كل أقاربنا فيه وأخاف يشوفنا أحد من العذال ونصير علكه بحلوق الناس ... وأحس إنها اقتنعت بكلامي ... ورحنا لمطعم التاج اليمني صح إنه يحوم الكبد من الوصاخه اللي فيه لكن أهم شي الأخلاق ! وجلسنا على طاوله وطلبت نص حبه شوايه بدون رز مهوب بخل ولكن خبركم اللبنانيين ما يحبون الرز .. وحنا جالسين نتعشى مسكت معها على حنان قالت بتعرف يابونشئه إني من زمان لهلى وانا عم بدور على فارس أحلامي .. وشكلي لئيتو هالساعي !! ومن زود الدلاخه ما عرفت قصدها قلت يعني فارس أحلامك وأنتي بتصيرين حبيبته؟! .. قالت إي ياعمري ! والله وأطير عيوني فيها و أوقف واصفط لساني على تحت واعض عليه بسنوني قلت يابنت الكلــ ... وأدف الطاوله وينكب العشاء وكنت ناويها بصراحها ... وقاموا الباكستانيين اللي بالمطعم وفكوني عنها .. وقامت تصيح هي وفهمتني قصدها .. وخليتها هي اللي تحاسب عن العشاء جزاء لها ( العشاء قيمته 9 ريال ) وبعدها ركبنا بالسياره ودق جوالها صدفه وانا ما كنت أدري إن معها جوال وطلع ابوها يسأل عنها قالت شي ساعة زمان وبكون عنكم أنا ورفيئي ( اللي هو أنا ) ويوم قفلت السماعه قالت بتعرف حبيبي بونشئه إني بكرهوا كتير كتير !! قلت من هو ؟ قالت بيي .. قلت ابوكي اللي هو كوسه ؟ قالت لا بيي إسموا كارلوس ! قلت طيب وكوسه من هو ؟ قالت هاي إسمي التاني قلت ليه أنتم برازيليين ؟! قالت العمى شو برازيليين إحنا من لبنان ويوم جينا بيتهم إلا واهلها حاطين عشاهم حمص وتبوله وفتوش وسمبوسه مع إن هالشهر مهوب شهر رمضان لكن مدري من وين جابو السمبوسه :!! قالت .. بيي .. مامي .. خيو انطوني .. خيتو هيلا .. خيتو عمشى !! شوفوا هاي صديئي ياللي حكيت إلكن عنو !! يوم قالت هالكلمه أنا أحتري إطلاق نار وإلا احتري يجيبون سكاكين ويقطعوني أثر الدعوه عندهم عاااااادي ولا فيه مشاكل .. لأن بعض الناس تفكيره واطي ويروح فكره بعيد والله واجلس أتعشى معهم مره ثانيه .. ويعلموني بسوالفهم وعلومهم كلها ... يا حبي لهم ما عندهم شي إسمه إنتقاد وخرابيط وحقوق !! .. أنا إذا كنت بمجلس عند ابوي وقمت اتكلم عند الرجال خزني بعينه ثم ضيعت السالفه اللي اسولفها .. عكس هاللبنانيين الدعوه عندهم فررررري ودايم أقاطع كلام ابوهم وهو يتكلم بنص السالفه وأغير الموضوع بعد !
قالوا لي إن ديانا حداد تقرب لهم قلت أنا أقرب لسعد جمعه وراشد الفارس وعبدالرب ادريس وجواد العلي !! ويوم خلصنا من العشا وبغيت أمشي من عندهم .. وتعطيني رولا سلسال عليه صليب قالت يالله ياعمري إلبسو !! قلت وجع هذا عليه صليب !! قالت وشو يا عمري إحنا مسيحيين !! يالله إلبسو من شان خاطري .. قلت من شان خاطرك نلبسه ولو تبين نلبس غوايش بعد ما عندنا مشاكل !! بس بشرط أنتي اللي تلبسيني السلسال و يوم جت تلبسني السلسال إلا واحس واحد يخنقني وأثره ابوي يقول ليييييش ما صليت صلاة العصر يا الهيس الأربد ؟! أثر الدعوه كلها حلم في حلم ..


يستفاد من هذه القصه :

اولا ياشباب اللي معاه فلوس لايشتغل في الاسهم

ثانيا اقول للشباب لاتغازلون ايرانيات لانهم شيعه يعع عليهم( اما فايده)

ثالثا انا يقهرني محمد حمزه لما يلبس ثوب بازارير قيطان قال يعني مشخص في مسلسل ليلة هروب( اوففففففف قديم)

[ABO TURKI]

يا شيخ وربي انك طاحس مرفع
هههههههههههههههههههههه
يا ضحكت ضحك ما قد ضحكته
دقيت سلف ورايح شهار الا القهر تطلع حلم
مشكوووور ابو نشقة ويعطيك العافية

[الحجاج بن يوسف الثقفي]

يامليون مرحبا يابونشقه
والله لك وحشه تأبرني
ههههههههههههههههههه

[منقاش]

حسبي الله عليك يا رفيقنا يبو نشقه ,, وبعدين ترى حلمك يبين نيتك البطاله ياللي ما تخجل على نفسك ..
وينكم يا مشرفين ما تحذفون هالماضوع اللي يبي يخربنا على مانحنا خربانين ؟؟.
وعاد ترى حلمك يا رفيقي ذكرني بسالفه سارت عليه , وكانت علم ما هي حلم ..
قبل سنه قبل أعقل واسير رجال وشيخ عارفه , جلست هاك اليوم عند ابن عباس على الرصيف أتفرج على الرايح والجاي للسوق , وربطت حماري في طرف دسمالي ورايه ,وكل ماجا حرمه ماره أمد رجلي قدامها في دربها واسحبها (حركات نص كم) واحيان أتلحق بعض النسوان وانا قاعد (ما فيه حيل أقوم) بضربه خفيفه من عصايه على مقفاها .
ومره أغواني الشيطان وأمد رجلي لواحده ولا تجي الا بين أقدامها الا وطيحتها على بطنها والعبايه في ديره والغطايه في ديره ثانيه ,, وهي في ديره ثالثه, واقوم أبغي أحتضنها واسلم عليها وأعتذر منها ألا وهي هاذاك ألصايع الضايع الباكستاني مثل البعير الهايج اللي أثره يلبس لبس النسوان حتى يخش بينهم في ألأسواق ويتلسلس .
كان ينحرف عليه ويشيلني سما ويرميني في برميل زباله مع مرور الهيئه , ويوم شافهم أعطى ألساق لحقه وشرد , وأنادي عليهم وانا في أسفل البرميل : تكفون فزعتكم يا رجال الحسبه طلعوني قبل يجيني بنقالة البلديه .
أخرجوني بحالة ألصلف والقرف بعد تجمعوا علينا ألناس وشهدوا عند دورية الهيئه أني كنت أعنقل للنسوان ,, بغيت أنحاش مثل ألباكستاني وتذكرت أن رجليه ما تمجدني.
حملوني في الجيب واستفادوني وكان عذري أني كنت أعنقل للي أشك أنها رجال حتى أفضحه واسلمه للهيئه .. ما أحد صدقني ..
وباقي القصه تعرفونه من شرطه ومرطه ومحكمه وسجن .
الزين اللي خفف همي أن حماري كان معي مربوط في دسمالي من جهة مقفايه...

[أبوخالد]

ياسلام يابونشقه جمعت عليك المنسمين
منقاش واقزوز والله العالم من يبي يلحقهم

[ABO TURKI]

هب يا منقاش وتقول الطيارة
يازين الطيارة مع برميل الزبالة
وانا اقول اش الريحة اللي المنتدى اثرها منك انت وحمارك
اروحت بالمنتدى ففففففففففففففففففف

[ابو نشقه]

شكرا لكم على المرور

منقاش اثرك موذي انت وحمارك من زمان؟ اجل مالي الا اجيب الباكستاني واسجله في المنتدى مابيعرف لك الا هو

[النتيف]

والله انك مرفع يا ابو نشئه بس انت علمني اذا صار فيه حاره للبنانيين عندنا

حتى آخذ حمار منقاش واحمل عليه بنت الكوسه

[حسن عابد]

هلا ابو نشقه وحلوة مايستفاد