ريح المطــــر هبّت وانا فـوق شُرفــه

[خلف بن عبدالعزيز الثمالي]

ريح المطــــر هبّت وانا فـوق شُرفــه ريح المطــــر هبّت وانا فـوق شُرفــه ريح المطــــر هبّت وانا فـوق شُرفــه ريح المطــــر هبّت وانا فـوق شُرفــه ريح المطــــر هبّت وانا فـوق شُرفــه

هذه القصيدة شكوت فيها الزمان والحال والبطالة قبل ان يرزقني الله بعمل (وظيفة ) وكنت قد كتبتها لصاحب السمو الملكي الامير عبدالعزيز بن فهد آل سعود وذلك قبل خمس سنوات ، ونزولاً عند رغبة البعض في ادخالها المنتدى تم ذلك .

[poem=font="Simplified Arabic,5,0000FF,normal,normal" bkcolor="" bkImage="image/backgrounds/1.gif" sdImage="" border="double,4,FFCC33," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="1,660066" break=""]
ريح المطــــر هبّت وانا فـوق شُرفــه = اناظــــر الدنيـــا وعيــــدالحســـابـي
هبّت علـى الطائف ولاهي مُسِفــــــــه = سحــابها يزحف بروس الهضــابـي
يا مــا حلى بــرق ٍ سبقــهــا برفــــــــه = رعده سطى بي فوق ما بي ومـابـي
هلّت مطـــرها والبَرَد زان رصفـــــــه = والسيل سيّل مـــن جبــال وشعـابـي
اسقى هشيماً يبْس مــن ارض جـفـــه = وابيار فـاضت به من اول نـضابــي
رقص لـــه القمري والاغصان لهفـــه = من هـل حتى القوس ولىّ وغـــابي
لحق شفـــق شمس الاصيل المشفـــه = عقب السما كفّت وخف السحــــابـي
مــــا باقي الا السيل ينحت بجرفــــــه = يرمي الغثا واوراق حشفــــه جنابي
ياسيـل قـبل الليـل والشمس كسفـــــه = هذا الـــورق فــوق الورق والكتـابي
اهـدم عليه الجـــرف من دون رأفـــه = وان كان عينك بالقـلــم لا تهــــــابي
يلعـن ابوهـــا اوراق ياسيل تلفـــــــه = ارميهـــا انا ياسيـــل ما دمــت زابي
عندي استوت يا سيل فرحه ونزفـــه = ما اخسروانا ما اكسب بدنيا ضبابي
هـذا ورق مركـــون في جال غرفــــه = وانـــا بعد مركـــون ضــايع شبــابــي
اشقيت فيـــه العمـر من اجل حرفــــه = آكــــل بها عـيشـي والـبـس ثـيــابـــي
واخـــــدم بها ديني وشيخي وسقفـــه = مـــــا اصيرعـاطل راسه اليوم شابي
يا للاسف ياسيل والعيــن ذرفــــــــــه = ما جت واناسعودي على اغلى ترابي
يـا مامشــيت أيــام ادوّر وظيفـــــــــه = واصيح مــاالقــى من يـــرد الـجوابي
اثر القِطــــاعين اقفلت كـــل درفـــــــه = ربـعــي بهـــا قــلـه والاكـثـر ذيـــابي
تقـلـــط على مفطــح وكبــده وكتفـــــه = وانـــا لك الله ســــايـــلٍ بــاللـعـــابي
كلـــــه مُحصل بعض في يــوم وقفــــه = عـنـد الرقيب اللي يشوف الرقـــابي
انـا ادري ان الــرزق ما هو بشلفــــــه = قسّامــه المـعبـود مجـــلي الكـرابـي
لكن من يعشق طموحــــــــه برشفــه = مــن ثغرها اللي در زين الرضــابي
شُحي وجـــودي بين نوني وطــرفـــــه = يــــا مهجـتي مــا ني بشـد الركابي
مـا ني سواة اللي توارى بذلــفـــــــــه = خـــان الديار وربعها والصحـــابي
منزوغ وافكـــــاره خبيثــه وصلفــــــه = لو شــاور اسيـاده يــدل الصـــوابي
عزالله انــــه كــان بالــــخيـــر يرفـــــه = مــا ينقصه مسكـن ومـال وشرابي
حتى يـــواري نفســـــــه بدار كــــوفــه = في ذلــفتــه لا عــــاد يومه وطابي
انـــا مـع الغيث اعترض لي بوصفـــــه = هيّض ضميري بخدهـــا والروابي
عل الكـــــريم يسوق مثلــــــه يزفــــــه = عـلى الرياض وربعـهـا والعقـــابي
يسقي زهـــــور العــــاذريه المصفـــــه = وطيورهــــا اللي ساجعه بالعشابي
حتى النفــــل ريحه مع الطــــل ينفـــــه = ويعطــر المصمـــك وهــاك القبابي
مَـدهـــل حفيـــــــد الصقر زانه ولفــــه = للضيف والداخل ومن به صوابــي
يــا قـف على عــلمـه ويـــاخـــذ بكفـــه = ما قولــــه إلا ( سم ) ما هو بنابي
يا بن الفهد شوف لي مع الوقت صرفه = حـــــــالي تردى والزمن صار آبي
ما عـــــاد ابعمـل لجـــل روحي المقفـه = لكـــن لمـــن في ذمتي قــال يا بي
كيف اقنعــه لـــن قــال يابــوي تكفـــه = في لـيل لا دلّــــه ونــــار وزهــابي
وان جيت ادور له مع الناس سلفـــــه = الناس مــــا تـعـطـــي بـليـا ثــوابي
ما يستقر القِـــــدر لا مــــال حـــرفــه = الا بــثـلاث اخـــوان والياه ثــــابـي
يقولـــــه اللي اشرف اليوم شرفـــــه = ناظر هل الدنيا وعــــــاف الحسابي[/poem]

[هلال]

الشاعر يقول ارسلها لصاحب السمو الملكي والقصيدة جميلة من حيث مطلعها وكلماتها ووزنها وقافيتها ، ويتهيا لي انها مليئه بالاحداث الداميه الي مرت بالشاعر وكأنه يعيش في ضروف قاسيه حدته على ان يبوح باسرار في نفسه ولربما اولها الفقر والعوز ، وكأنه يشير لحادثه يبين انه عكس اهلها وانه صاحب ولاء لولاة الامر ليس بالي يخونون الدوله ، ثم شكى حاله لصاحب السمو وبين هنا انه صاحب عائلة يخشى عليها الفقر وكأن حاله يقول تراهم في ذمتك يابن بن سعود اخذت بالاسباب ولكن الامر يبقى بيد الله ثم بيدك
ما نفعتني الشهادة وهي عبارة عن ورقه في يدي لاتسمن ولا تغني عن جوع .
وفقك الله ياالشاعر وعسى الله يغنيك ويرزق من واسع فضله . اتمنا من كل شاعر يكتب بما تجود به نفسه لهذه القصيدة التي لم تصدر الا من ضروف .
( هلال هلال هلال)

[أبو عبيدة]

صح لسانك والله يعطيك العافيه

[أبو عبدالرحمن]

[qu]صح لسانك والله يعطيك العافيه [/qu]

ونسأل الله لك رزقا حلالاً...

[abonayf]

صح لسانك
ورزقك الله من واسع فضله

عندما تصدر القصيده من الشاعر وهو يعيش تحت وطأة الضروف ويحكي شعرا كيف هو الحال به تكون صادقة واضحة المعاني سهلة الفهم .


تحياتي لك

[ABO TURKI]

صح لسانك يا ابو وليد

وننتظر المزيد

[خلف بن عبدالعزيز الثمالي]

[size=4]اتوجه بخالص الشكر والتقدير للاخ : هلال على نقده للقصيده وتعليقه فشرك رزقني الله من واسع فضله والحمد لله ، ولك مني جزيل الشكر
بقيه الاخوة شكرا لمروركم على القصيده وعساها نالت استحسانكم .
اخوكم خلف بن عبدال[/size]عزيز

[المستشار]

صــــــــــح لســــــــــــانك يابووليد
أخوك المستشار s71.gif s71.gif