تسالي ليل يا فنجال

[الذيب]

تسالي ليل يا فنجال تسالي ليل يا فنجال تسالي ليل يا فنجال تسالي ليل يا فنجال تسالي ليل يا فنجال

[POEM="font="Simplified Arabic,5,white,bold,normal" bkcolor="transparent" bkimage="images/backgrounds/26.gif" border="double,8,black" type=2 line=0 align=center use=ex num="0,black""]
انا ما اشتكي طايش وكيف أشكي وأنا رجال=وانا ماطحت بجنوني وكيف اطيح انا واعي
و إذا قفّيت خذ مني تسالي ليل يا فنجال=سواليف(ن) مع الدله ترددها من أوجاعي
أنا ميزان لا وقّف أمانه رافضتها جبال=بكف(ن) ترفع لراسي و كف(ن) توصل كراعي
و لو تخطي يدِي مره وتكتب عايب الأقوال=لأقص بيدّي الشولا يميني كاره ذراعي
ترى الدعوه معي ماهي خفاف ولا تقول ثقال=ترى الدعوه معي مبدى ومبدى يحكم اوضاعي
أنام بعين والأخرى بها بين البشر جوّال=وأهرول ذيب لكني اجيب الشارد الساعي
وانا ماني كما ذيابه إذا بأستحضر الأمثال=انا ما اهاجم القطعان لوّه راقد الراعي
لأنه قلبي الوافي حكمني و أحسن الأفعال=فبحر الجود بأسبابه أفكك لمّة شراعي
ومن يغرق فبحر الجود لا يزعل بأية حال=أنا خلفه ولا يقلق بأكون العايش الناعي
يافنجالي وش اللي صار دله خلّصت ودلال=وأنا ماقلت لك وش بي ولا بيّنت للداعي
بغيت أشكي لك الحاله ذكرت بشعري المدخال=بغيت أخلّي الليله سواليفك عن أوجاعي
يكفّي ما ذكرته لك أكرّم منْك يا فنجال=انا ما أشتكي مجنون كيف أشكي وأنا واعي
[/POEM]

[أبوخالد]

المشاركة الأصلية كتبت بواسطة الذيب

[poem="font="Simplified Arabic,5,white,bold,normal" bkcolor="transparent" bkimage="images/backgrounds/26.gif" border="double,8,black" type=2 line=0 align=center use=ex num="0,black""]
و لو تخطي يدِي مره وتكتب عايب الأقوال=لأقص بيدّي الشولا يميني كاره ذراعي
ترى الدعوه معي ماهي خفاف ولا تقول ثقال=ترى الدعوه معي مبدى ومبدى يحكم اوضاعي
أنام بعين والأخرى بها بين البشر جوّال=وأهرول ذيب لكني اجيب الشارد الساعي
وانا ماني كما ذيابه إذا بأستحضر الأمثال=انا ما اهاجم القطعان لوّه راقد الراعي

[/poem]

ذيب من صلب ذيابه
صح لسانك
والله بحر يابوسعد
لا خلا ولا عدم

[محمد بن حميدان]

كعادتك يا ابوسعد دائما تطرب مسمعي بابياتك الرنانه ..

أنام بعين والأخرى بها بين البشر جوّال
وأهرول ذيب لكني اجيب الشارد الساعي

يحقلك يا ذيب .. صح لسانك على هذه الرائعه ,,*

[سنا الهجرة]

ماشاء الله عليك يا ذيب

مبدع وممتع ومن حقك تفخر بالافعال الحميدة

وهذا طبع الذيب ما ينام الا بعين واحده

صح لسانك ملايين

[الحجاج بن يوسف الثقفي]

الله الله
ماذا اقول ؟
وهل ينفع القول في مثل هذه الابيات الراقية والواثقة ماعرف عن الذئب الاهذا
ايها الحاجب تعال واكرم الذئب واوسع له بالمجلس
تقبل مروري العطر بمتصفحك هذا
لك مني كل التحايا على ما اجدت به

[صقر قريش]

ما فيك حيله
صح لسانك

[abonayf]

صح لسانك يالذيب

شاعر مافيك حيله صدق

الله يقويك

[ABO TURKI]

يالذيب سجلني من المعجبين بما تكتب
رائع وراقي في كل شيء
وفقك الله

[لاتقرب الذيب]

صـــــــــــــــــح لسانك شاعر مافيك حيله وفالك المليوووووون
(والبــــــيـــــــــــرق)

[أطياف]

بغيت أشكي لك الحاله ذكرت بشعري المدخال

بغيت أخلّي الليله سواليفك عن أوجاعي
يكفّي ما ذكرته لك أكرّم منْك يا فنجال

انا ما أشتكي مجنون كيف أشكي وأنا واعي

صح لسانك
الله يعطيك العافيه على القصيدة الرائعة
اداااااام الله ابدااعك
دمت في سعادةلا تنتهي