ألدرس ألأول من دروس منقاش عن التراث

[منقاش]

ألدرس ألأول من دروس منقاش عن التراث ألدرس ألأول من دروس منقاش عن التراث ألدرس ألأول من دروس منقاش عن التراث ألدرس ألأول من دروس منقاش عن التراث ألدرس ألأول من دروس منقاش عن التراث

الوله تراكم أنتم اللي طلبتوني هالدروس وأشغلتوني عن مهاملي , وتروني أستاد شديد ولا عندي ألا خنق وعصى وحصى واقلها قرصه والا لية أذن للطالب اللي ما يبلع العافيه منكم ويتعذبل من الشيطان ويقول يا ربي هداك .
الثانيه ما نبغي الموضوع مثل النمل مسرب .. لالا.. نبغيه دروس كل درس لوحده مثل ألضان والمعزى والجفار يوم تخرجها من الحضيره واحده واحده ..
درسكم الأول عن ألدياس وأبغيكم تضيفون في مداخلاتكم كل اللي تذكرونه والا يذكر لكم من معارفكم عن مفردات الدياس ,, وهالحين تعالوا نديس على الدياس .
بسم الله الرحمن الرحيم
* الدياس : اسم ماخوذ من الفعل داس مثل يوم تقول القياس من الفعل قاس لأن البهايم من بقر وحمير تدوس بأظلافها في الدياس على القصيل وفيه السنابل حتى يتهشم ويتكسر ويتحول السنبل لحب والقصيل الى تبن ولكن دون فرز ,,, يعني نتيجة الدياس حب مختلط بالتبن . ولا يفصل بينهم ألا في عمليه الذراء أو الذريه وهذا موضوع درس في المستقبل .
مكان الدياس : الجرين وهو عباره عن أرض دايريه قطرها من 15م الى 30م تقريبا يكون سطحها مستوي وصلب وخالى من ألأنربه , ويتوسط دائرة الجرين عمود (عود من الخشب) يسمى القاعد بأرتفاع القامه(متر ونصف) مثبت في ألأرض, والقاعد وظيفته أنه يربط فيه القران (حيوانات الدياس)بحيث تقرن من رقابها بحبل يثبت في القاعد بربطه تسمح بالدواران للحيوانات (القران) المقرونه .
يشكركم ألاستاد منقاش ويبغيكم تضيفون اللي تعرفونه عن الدياس من المفردات اللي نسيتها,, لكن أياكم تنطون للصرام والا الذراء لأنها جايتكم في دروس جايه والا ينخبل واحد منكم ويجيني بكلمه من ديره ثانيه ما لها علاقه بدرسكم الليله مثل كلمه عن السواني والا الأثاره والا غيرها , واللي عنده صوره للدياس من ألأنترنت والا غيرها لا يبخل بها على زملاه الطلاب .وتصبحون على خير ...

[@ بن سلمان @]

انا انا يا استاد...
كلمة القصيل طال عمرك ما عرفت معناها ؟

[abonayf]

بحاول ابحث عن صوره ان لم يكن قد اصابني ( الزهايمر ) فقد شاهدتها سابقا

وبرجعلك بس سؤال بسيط استاذنا العزيز

تكلمت عن الدياس والجرين واتمنى لو عرجت ولو بشكل ميسر عن كيف تم جمع الشعير ومن ثم تم الانتضار الى ان نشف ( يبس ) .

لي عوده

[منقاش]

رفيقي ابن سلمان : القصيل أسم جمع ومفرده قصيله
والقصيلة هي ساق نبتة القمح أو الشعير أو الذره بعد أن تصبح يابسه واللي في أعلاها السنبله وأدناها الجذور (الحروج) . (فاستوى على سوقه يعجب الزراع ليغيض بهم الكفار) الفتح .
ويشتق منها كلمات وافعال فنقول أنقصل من غنمي قصلة أي خرج منها مجموعة عن الكل .

[منقاش]

رفيقي أبو نايف : نعم صوره خير من ألف كلمه والتراث يحتاج منا لندون بعضه تعاون من الجميع بحيث يدلي كل بدلوه .
اما تجميع القصيل وكدنه بعد تنشيفه فسوف نعرج عليه في درس الصرام .

[المبرِّد]

يا اشتاذ
انا كنت محجوز عند الوكيل
ضربني ولعطني
وشرحك غاب عني
ليتك تعيد الشرح

[H Y T H A M]

ومنكم نستفيد يا استاذنا الفاضل
محاكيك(حضري بالمررره ومايعرف من علوم الديار إلا ماندر)

[منقاش]

يبن عمي يا مبرد : تستاهل اللي جاك من الوكيل واذكرك بكلام أبوك يوم سلمك لنا في المدرسه وقال اللحم لكم والعظم لنا ..
وجزى لك على غيابك روح أصرم كم لويه قصيل وجيبها وحطها في مذود حماري جنب الفصل نبغيها ضرمه له .
وجزى ثاني لك أكتب في ردك معنى الكلمات التراثيه ألأتيه : أصرم , لويه , مذود , ضرمه
وبمعنى واضح يسهل على الطلاب اللي ما يعرفون هالعلوم ..
ثمالي برشلوني : لا يكلف الله نفسا ألا وسعها ولكن التراث يمكنك من العربيه وبالتالي يعينك على فهم كتاب الله وحديث رسول الله صلى الله عليه وسلم ...

[أبو عبدالرحمن]

أعانك الله يا أستاذ منقاش على هؤلاء الطلبة...

لكن أبشر أحاول الإجابة على الأسئلة وطلباتك..

[@ بن سلمان @]

استاد استاد
شوف المبرد يحذفني بالطباشير عشان ضحكت عليه يومك تقول له يضرم حمارك