محاوره توتر علاقة العرابي بالعصيمي نقلا عن الميدان.

[المتذوّق]

محاوره توتر علاقة العرابي بالعصيمي نقلا عن الميدان. محاوره توتر علاقة العرابي بالعصيمي نقلا عن الميدان. محاوره توتر علاقة العرابي بالعصيمي نقلا عن الميدان. محاوره توتر علاقة العرابي بالعصيمي نقلا عن الميدان. محاوره توتر علاقة العرابي بالعصيمي نقلا عن الميدان.

بعد التحيه اول مشاركه لي معكم ومن الميدان عن عهدة من روى تفاصلها في 25/3/1428هـ المحاوره التي وترت الحميميه بين العرابي والعصيمي هي اقوى اللقاآت بين هذين الشاعرين وشحنت الاجواء بينهما تابعوها معي ....

عبيدالله العرابي

[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كيف أببدا بالخبر ولاّعلى ويش أنتهيبه =يالله إنك لاتحمّلني بحملٍ مايشالي
يالعصيمي مكسبي مع راس مالي من يجيبه=والمكاسب مابدوّرها ليا جا راس مالي [/POEM]

الدكتورحمد العصيمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا العرابي منك هذي فاخر ايامك غريبه=ميرقول اللي تباه وخذ جوابي فا السوالي
ابك انا فاقد رقاب رجال يا فاقد ذهيبه=عندك اغلى الذاهبه والا صناديد الرجالي؟ [/POEM]

عبيدالله العرابي

[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]آنت ضايق وإن نشدتك شفتها حاجه عجيبه=ياعقيد القوم كب اللوم أنا ماني لحالي
الرجال نفوس ولاّ روس ماجاها غليبه=لوتصيح إلها تجيلك من يمين ومن الشمالي[/POEM]

الدكتورالعصيمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من يبا له حق مني يا خذه لا يدعي به =من مدورة الرقاب ومن مدورة الحلالي
انت ما تدري لو ان الخير في بطن المصيبه =مثل ما قالوا يجي في جوف بطن المرحالي[/POEM]

عبيدالله العرابي

[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من بداله حق وآخذه يالعصيمي مايعيبه =ميراقول الموت وش ياخذ مادام البيت خالي
القدر ويا القضى ياقع رضا ولا غصيبه =يادوام الحال لو نحتال شيّ من المحالي [/POEM]

الدكتور حمد العصيمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كل من همه قروشه يقترب ويفك جيبه=لين اوفي له حقوقه لو يطولن الليالي
ماعلي خلاف فا الدنيا وانا ربعي عتيبه =لوتميد الارض تثبت فوقها صم الجبالي [/POEM]

عبيدالله العرابي

[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]العرابي موهب القرشين للي يشتري به=مايعوّض في دكاكين الذهب قرش وريالي
كيف راع السيف مات بسيفه اللي يعتزي به =والعزاوي كلها راحت هبال من الهبالي [/POEM]

الدكتور حمد العصيمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الصحيب اللي نهار العسر جا يطلب صحيبه =مثل غصن الشجره اللي لا ثمار ولا ظلالي
كان ما تدري توقع خل تمرك وسط عيبه=بان لي ولد الحرام وبان ولد الحلالي[/POEM]

عبيدالله العرابي

[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الخطا ما أرضاه وآحلف يالعصيمي مارضي به =لو يكون إنه يقول الهرجه اللي ماتقالي
مابقى لك حيد يابو زيد حتى تلتوي به =عانها متبيّنه بين العمامه والعقالي [/POEM]

الدكتور حمد العصيمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لن وقفنا بين حد المخطيات من المصيبه =ويش قلنا للعرابي والعرابي ويش قالي!
تحسب اني مثلك ادنى سيل فا الليل يغدي به =ما دريت اني مورث سيف ابو زيد الهلالي [/POEM]

عبيدالله العرابي

[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]العصيمي يحسب إن الجرح في دبرة طبيبه =ياعسى فاله ليا جاه الخبر ماهو بفالي
آنته أول من لقطه السيل وأقفى مع شعيبه =يوم جينا مالقينالك خيام ولا مفالي[/POEM]

الدكتور حمد العصيمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اخذها حكمة ولد ربي عطاه لسان شيبه =ما شكيت الجور والشرهه على اللي جا شكى لي
انت لا لك راية ترفع ولا قايد كتيبه =نوب ترثع فا الجنوب ونوب ترثع فا الشمالي [/POEM]

عبيدالله العرابي

[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الجنون فنون والمجنون يسكر من زبيبه=والعصيمي دوب نبّهني بشيٍ ماطرالي
من يلومك في علومك وآنت ماعاد إلك هيبه =ياموصّفني بجهل أضحكتني ماضاق بالي [/POEM]

الدكتور حمد العصيمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وش غدى لك فا السنين الماضيات وفا القريبه =قولها لن كان عارف وش غدى منك وغدى لي
يا عرابي ٍ ما عاد يعرف راسه من ذنيبه =منهو اللي هيبته ضاعت على حمر الزوالي؟[/POEM]

عبيدالله العرابي

[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]آنت تنشدني وأنا أتذكر فلسطين السليبه =وش تقلي ويش اقلك ماتربطك الحبالي
بألف نعمه ماشكرها لين عوّد بألف خيبه=واحدٍ زالت عروشه والمكابر لايزالي[/POEM]

الدكتور حمد العصيمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]خلها منت من اهلها اهل المضاريب العطيبه =لا انت عامر لك حصون ولا انت حامي لك توالي
ابك هذي فيك يا معلق على رقبته صليبه =اثرك انته ميت ٍ قلبك لو لسانك يلالي [/POEM]

عبيدالله العرابي

[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إيه صادق خابرينك يوم صديت الضريبه=ثم حلّبت الحصا واسقيتها الجرف الهيالي
آنت فى الحاضر وخل اللي مضى لاتلتهي به =جت عليك مفصله ومن القهر رديتها لي [/POEM]

الدكتور حمد العصيمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ما رضينا با الغليبه وانت راضي با الغليبه =وسع عيونك بعد بكره ويكحلها الدلالي
ياغزال جابه الله لقمة في حلق ذيبه =ماش فيك عراش اخذها كاش يا راس الغزالي[/POEM]

عبيدالله العرابي

[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماآنت راضي بالغليبه مير نفسك مستجيبه =مايصدون السيوف اللي يحدون المحالي
إصح وآكتب وإمح وإبلع رمح جعلك تنخزي به =لاتوصفني بما يشبهك ويطول الجدالي [/POEM]

الدكتور حمد العصيمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يوم مالك سيف مثل الناس تقدر تنتخي به =رح تحالف مع هتيم وخلني مالك ومالي
ياعميل غابنته الصبغه اللي في شنيبه =مر اصوعك با اليمين ومر اصوعك با الشمالي[/POEM]

منقول بمقدمته

[النادر]

المتذوق

شكرا على النقل

لا ارى فيها اكثر من فتل ونقض بين شاعرين كبيرين غنيين عن التعريف

فعلا هي لقاء لفحلين يعيان تماما مايتحاوران به


شكرا لعبيدالله والدكتور العصيمي

[أبو عبدالرحمن]

حياك الله وبياك أخي الكريم ـ المتذوق ـ
وواضح أن لك من اسمك نصيب في مثل هذه الاختيارات..

[abonayf]

حياك الله المتذوق

اختيار ينم عن ذائقه شعريه فارهه لشاعرين كبيرين

[حسن عابد]

مشكور يالمتذوق وفعلا وصلت نصاب السكين بين الشاعرين الكبيرين نتمنى ان تعود المياه لمجاريها حتى لا نخسر محاوراتهما التي فيها فوائد شعرية للمتابعين لهما

[{بعيدالنظر}]

[GLINT]توضيـــــــــــــــــــــــــح[/GLINT]


نظراً لماتناقلته بعض المنتديات حول محاورتي الاخيره مع شاعر المحاوره وأحد أباطرتها في الميدان
أخي الغالي الدكتور/ حمد العصيمي
وما روّج من أن هذه المحاوره قد أفسدت الود بين الشاعرين وانها نهاية البدايه بين صداقة الإثنين فقد قمت بنقل المحاوره إلى منتدى مشراف لأخذ رأي الدكتور حمد العصيمي في ذلك حتى لايظن البعض أننا بمجرد محاوره فقدنا بعضنا البعض.
وماكان منه حفظه الله وأطال عمره إلا أن كتب التعليق التالي المقوّس أدناه :


http://www.meshraaf.com/montada/showthread.php?t=509


((اولا/ احب اشكر اخوي وزميلي وصديقي ورفيق دربي عبيد الله على نقل المحاوره الى مشراف
وثانيا/ اشكره على انه نقل لي احداث انا بعيد عنها

وثالثا/ علاقتي بعبيد الله اكبر من الشعر كله وليس محاوره
ورابعا/ المحاوره احد اهم ركائزها هي انتهاءها بعد ان يقفل المكرفون مهما جرى فيها من احداث في نطاق المعقول وانا والبحر هنا لم نخرج عن نطاق المعقول والكلام المحترم ومن يعتقد غير ذلك فهو واهم

فكونوا بخير لسنا انا والعرابي ممن يزعلون من بعضهم لا جل محاوره

تحياااتي لك يا البحر لا خلا ولا عدم منك ايو الله))

[النادر]

بعيد النظر

قلت لهم ياعبيدالله ماصدقوني

بيض الله وجهك انت والدكتور وهذا هو الرقي الحقيقي

ان يبين للعامه ومن لايفقهون ان المحاوره نوع من المبارزه الفكريه منزوعة السلاح خطئهم واعتقادهم ان الاختلاف قد يعني الخلاف ....

تحياتي


النادر

[حسن عابد]

النادر
طولتها وهي قصيرة وواضحة

[ما عندكم أحد]

المشاركة الأصلية كتبت بواسطة حسن عابد

مشكور يالمتذوق وفعلا وصلت نصاب السكين بين الشاعرين الكبيرين نتمنى ان تعود المياه لمجاريها حتى لا نخسر محاوراتهما التي فيها فوائد شعرية للمتابعين لهما

يا شين الطيران في العجة

[حسن عابد]

المشاركة الأصلية كتبت بواسطة ما عندكم أحد

يا شين الطيران في العجة

بس لو تعرفون المتذوق ما علقتم بقليل ولا كثير باي باي