منقاش الطماع الارفل / الحلقه ألأولى

[منقاش]

منقاش الطماع الارفل / الحلقه ألأولى منقاش الطماع الارفل / الحلقه ألأولى منقاش الطماع الارفل / الحلقه ألأولى منقاش الطماع الارفل / الحلقه ألأولى منقاش الطماع الارفل / الحلقه ألأولى

كان لي حليف ثمالي أسمه بكاش عنده نحال (جمع نحل) ويهدي منها العسل للقاصي والداني ألا منقاش يتناساه ومتخيصر به ولا يهدي عليه ألا سبك من معسول الكلام اللي من راس أللسان ,, قلت في نفسي : أني منقاش أللي يورد القول ألفعل,,, وحماري يكون أطلق مني أن ما نكستك يا بكاش على قرونك , يبو ذبان (يعني نحل ونقولها حرب نفسيه) ,, صريتها له واسريتها في نفسي وبديت ألوي في الحبال وأخطط للأنتقام .
وهاك اليوم ضحى من نهار كنت في راس برشوميه أتخرف واتهيض بالقيفان ألا وحليفي بكاش (راعي النحل) يتهنفل عدمت هاك الهنفله مقبل عليه ,, حييت بالرجال وكثرت الترحيب وقربت منه مكتل برشومي وقلت تخرف ياحليفي والقهوه في الطريق جايه ويقفاها غداك أن كان ألله هداك,, رد عليه وقال : يا منقاش أخاف البرشومي ينشب فيه , ولا أقدر آكله ألا بشوية عنب وحماط أربه يسلكه ..
قلت في بالي ,,, ما نشبه ألا أنت والشله اللي يعرفون أنفسهم في منتدى ثماله ,,, ثم أرسلت مندوب لقط له في شن(ماعون من الجلد اليابس) شوية حماط وقطف له كم عنقود عنب ثم جبناها وحطيناها قدامه واكلها كلها , ثم زدته مكتلين برشومي وزاد اكلها ...
حاولت أسنعه بهاك العين كما كنت مجرب نفسي مع ناس واجد غيره أذا حمصت معي ,,, لكن أعيتني العين ولا طلعت حتى ظلى عرقي يتصبب على جفني , ومع العجله يوم ثارت العين أخطته وزمت قليل من فوق راسه وظربت قبالتي في مقطاعة الوادي وأصابت قرون ثور لبو هاشم كان مربوط تحت سدره على مذود ياكل منه , وطيرت قرون الثور من حد الجمجمه وتنابلت قدامه في المذود واغمي عليه ونجى من الموت لكن تسببت له بحوله في عيونه حتى أصبح ما يمشي ألا بنظارات طبيه وشمسيه ,,, والشجره اللي كان تحتها حطبت وماتت بعد أيام ,, ثم تعدت الثور وساق السدره وراهم وصفقت في صفاه في عرض الجبل وارتدت قفانا على الجبل اللي خلفنا وأصابت عنز لرويعي الغنم وشوتها حتى أروحنا شياطها ونحنا في مكاننا ,,, ولا فكنا من شرها الا هشاشة الجبل تحت العنز أمتصت العين وحفرت في الجبل حت طلعت عين ساهره تفجرت باليماه وسالت ناحيتي وتحولت شلال أسوق منه واديه ..
عودت ألزم على بكاش بالغدا لكنه كثر المعاذير , ثم اعطاني علومه وسبب مجيه , وقال أنه ناصي نحيه من ديار قصيه من ورانا يبي يشبح فيها (يستطلعها) عسى شجاريها مزهره حتى ينقل يمها نحله . قلت له : يا بكاش يا اللحيه الغانمه جيب نحلك عندي في طرف واديه , وهذي الجبال وهضابها والشعاب وخشاعها كلها حواليه شجاريها مزهره وثمارها مبهره ..
رد عليه : البيض تغشاك يا حليفي يا منقاش ,, ريحتني , وباكر قبل يشع النور ويسرح النحل أغبش عليه وأجيبه في خلاياه (جمع خليه) على متن سياره أوقفها حواليك في واحده من الشعاب اللي في قطرتك ,,, قلت له : الحزه المباركه , وان ما وسعت نحلك الجبال تاسعه عيون منقاش , لكن لا تجيني بأحد معك ولا يدري أحد غيرك , أخاف بعدين تفتح عليه باب للنحاله يحرجوني ويطلبوني مثلك مكان لنحالهم (أبغي ما أحد يشهد له) , ثم بعد تنزله من السياره خذ سيارتك لا توقفها عندي ,,, وبعدها تطمن وروح أرقد وكبر الوساده ,, كان ينهض من مقعده واقف وينصاني في مقعدي ويحب على راس خنفرتي وهو يردد : ما قصرت ما قصرت يا حليفي يا منقاش يا تاج ربعك وعزوتها...
نتوقف عند راس خنفرتي ومنقاش تاج ربعه وعزوتها, والحلقه ألجايه تشوفون منقاش كيف يمترغ بحليفه بكاش ,,,, وتشوفون كيف بعدها يبي يبدل علومه أذا خاف من الموت , وسلامتكم ...

[بنك المعلومات]

عوايدك يا بو عوايد
ناوي البورة وتبي تجحده في نحله
لكن تذكر ان كل ظالم يجي له اظلم منه

[ابو هاشم]

وا ثوري الي غدا من عين منقاش طير قرونة فديته والهدف كان بكاشثور اصيل مامداه من العين ينحاش من غدر عين جعلها للرمد والطماش ياثوري اصبر وللحق طلاب ونحاش تفداك ثيران العرب ويفداك اللاش منقاش

[ابو عادل]

هبهبهبهبهب
اثرك ترمي يامنقاش
لاعاد تمر من عندنا ياعيّان
تكفون ياالربع نبي نخلي منقاش لين يرقد تحت الوغيفة ثم نصلي عليه صلاة الميت
وبعدين وش سويت في النحّال المسكين اللي وثق فيك وجاب نحله عندك.

أبوهاشم
اذا تعافى ثورك قربه من منقاش وارم على منقاش خرقه حمراء عساه يلقطه قرن يختلص به في القرن اللي راح
الله يخلف عليك قرن ثورك ياأبوهاشم.

[أبو عبدالرحمن]

يا عم منقاش ...

ترى لي 3 عيدان ـ مفردها : عود ـ عند هذا البكاش...

دخيلك انتبه لها...ولا تروح ولا تضيع عليّ

[منقاش]

بنك المعلومات :خلي بكاش يستاهل حتى ثاني مره يكون عبره لناس على بالي أهل نحل عسى اللي حصل لبكاش يحصل لهم ..
أبو هاشم : خليك رجال مثل خالك واجمد وكب الولوله ,,, واظن الثور بدون قرون أحسن لك (أحتياط أمني) , وبعدين أنت محظوظ اللي جات في ثورك وسلم راسك ...
أبو عادل : ترى لو ما سراب معزه لك باقيه عندي كان جاك شي مع الهوى ما هو سوى ,,, هالحين منت داري أن ألعين تشتغل مثل اللآسلكي ,, بس مجرد تعرف عنوان خويك والا بريده التكروني والا رقم تلفونه ثم تسمي وتكبر وترسلها وتصل الرساله حالا . وشوفني مرسلك واحده هالحين تاخذك بمشريه وعراط يسري عليك مسرى الهامه وتقعد بسببه تعترط ليلك كله , وباكر وانت تشرح في الفصل تظلي ما تقدر تكلم طلابك الا بواحد يعرطك , وبعدها ينتشر العراط في الفصول بين الطلبه والمدرسين حتى تسيرون كلكم معرطين وتعارطون ......
أبو عبدالرحمن : عيدانك موجوده , بس نحلها جلى , بعضه ثار والباقي أكله القاري ..

[النتيف]

اهب يا منقاش اثرك عيّان لا وعيّان أحول
لا عاد أشوفك تهنفل عندنا بهاك الوديان مررره لا إنت ولا حمارك الله يكفينا شرك

وبعدين انت وش تبي من نحل هالمسكين تبي تجحد عليه نحله
أفاااا والله يا منقاش ماني خابرك من اللي يجحدون حق أحد
معقوله تسويها.....نبي نحتري باقي علومك ونشوفك وش سويت معه
وبعدين لنا كلام ثاني معك

[ابو هاشم]

[poem="font="Arabic Transparent,5,orangered,bold,italic" bkcolor="blue" bkimage="images/backgrounds/39.gif" border="solid,5,crimson" type=1 line=0 align=center use=ex num="0,black""]

وا ثوري الي غدا من عين منقاش طير قرونة فديته والهدف كان بكاش
ثور اصيل مامداه من العين ينحاش من غدر عين جعلها للرمد والطماش
ياثوري اصبر وللحق طلاب ونحاش تفداك ثيران العرب ويفداك اللاش منقاش

[/poem]

[الحجاج بن يوسف الثقفي]

منقاش
الله يسعد هالوجه ياكبدي المقلقله

[ABO TURKI]

عيان وحرامي
يالله سترك تبي تسرق نحل الضعيف
لكن الله على الظالم