منقاش ورطني

[ابو نشقه]

منقاش ورطني منقاش ورطني منقاش ورطني منقاش ورطني منقاش ورطني

السلام عليكم ورحمة الله وبركاته ( رغم انه لاسلام على طعام ) امحق مقدمه

اصدقاني وصديقاني في الشبكه العنكبوكيه لطالما كرهت اجتزاء الكلمات من كبد الحقيقه المجرده من اي انتماء للواقع وبعد هذا المنحنى الخطير اللي كأنه مخرج الخط الدائري اللي من جهة الشفا وانته متجه الى مخطط الوسام الذي تم ايقافه من قبل بلدية الطائف اجد نفسي مشدوها ومسرورا لرؤيةصديقي منقاش راعي الحصان اللي في الصوره وردوده على مواضيعي ( تكفى يافيصل القاسم)

اصدقاني وصديقاني يحمل لنا التاريخ في طياته ( اموت على الكلمه حاسس اني متصور مع بطلة فيلم تايتانيك)
قصصا رائعه نذكر لكم قصة/
كان هناك رجل أعرابي فقير الحال ذهب إلى المدينة ليبحث عن لقمة العيش فوجد احد رجالاتها واقف متربع عند شجرة على يمين السكة فسأله الأعرابي علي أجد عندك ما يروي جوعي ويسد ضمأي فأجابه الرجل الواقف على هيئة متربع شايفني أكد على عميان يابو الشباب؟

هذه القصه تبين لنا كيف كان الاهتمام بالاخرين في الجاهليه وهنا اذكر اجابة صديقي وحبيبي منقاش حين اجاب عن سؤال في مادة العلوم للصف الخامس \ب حين سأله الاستاذ : من هو الشاعر ابو الطيب المتنبي فأجاب : هو شاعر جاهلي معاصر له عدة مشاركات في مهرجان الجنادريه توفي عام 1419ه وحضر جنازته لفيف من الاهل والاصدقاء احبككككككككككك يامنقاش يابو الكيمياء الحيويه .

المهم نبدأ في الموضوع( اجل اللي مكتوب فوق اما بعد؟) عزمني صديقي منقاش لوجبة عشاء بمناسبة تخرج حصانه اللي في الصوره بدرجة الماجستير من الاسطبل الازرق بقيادة الخيال سعيد احمد ( الله يالقديم رجعنا لسباقات الخيل اللي قبل 30 سنه)

طبعا انا قعدت امني النفس بعشوه في فندق الانتركونتنله او في مطعم من المطاعم الكبيره اللي اشوف اعلاناتها في مجلة ماجد لكن اخونا المنقاش قال لي راح اعزمك على عشا في البيك
بصراحه من زمان اسمع عن البيك وودي اجرب اكلهم بس اقرب فرع لنا بمكه قال لي منقاش مو مشكله نروح مكه

طول الطريق وانا مانيب معاه بالجو .. ماغير افكر وش بسوي اذا وصلت البيك ووش ابطلب منه
المهم وصلنا المطعم وفعلا دخلت البيك وانا مستغرب شكله .. لأني كنت متوقعه من طقة المطاعم الفخمه الي ما يدخل احد الا وهو مسكر ياقاته ولابس الطاقيه الزري المذهبه
نصيت الكاشير وانا ما ادري وش اطلب لي شوي الا وتولع فوق راسي لمبه صفرا زي حقت العصفور الاصفر تويتي ( امش يامتابع سبيس تون)
لكن مستحي مادري وش اطلب شوي الا وصديقي منقاش يدفرني في اخر السرا ويقول للكاشير: ياخي انا طول عمري عايش في امريكا واسمع عن مطعمكم ذا .. وش عندك زين ؟؟( قويييييييه امريكا؟)

التفت المصري لصديقي منقاش وقال له: حضرتك بتتكلم انقليزي؟
قال له منقاش وهو رافع راسه وراز صدره congratulation على اساس مايبي لها كلام صديقي يكتب في منتديات وبلبل اسباني
المهم الكاشير صار ملعون خير قام يفت انقليزي وصديقي منقاش فاك كشرته وسعابيله تقوطر وانا اقول ياوالله البلشه يامنقاش
المهم تدخلت في الموضوع وقلت ياخوي اخلص واعطنا احسن شي عندكم قالي بشين نفس عندنا مسحب كويس تبيه ولا لا ؟ ( مصري ويقول تبيه؟ موضوعي وانا حر)

طلبنا وجبتين مسحب وماصدقت على الله جانا الطلب من الجوع حسيت اني راح اكل القصدير.
الي اذكره اني رميت الصحن فوق وطمرت وراه وسويت نفس حركة هيقيتا حارس كولومبيا في مباراتهم قدام ضمك على دوري منطقة الخرج

اكلنا الوجبتين وما امدانا نقوم الا واحس ان بطني جاه مصع ما ادري ليه .. عجزت اصلب نفسي صرت كني راكع

المصري حق الكاشير يحسبني برجع له الي اكلته بس على شكل مائي قام يسحبني لدورات المياه وانتم بكرامه عشان اخذ راحتي
طلعت برا المحل وانا ياالله امشي لقيت خويي منقاش ينتظر وفاك كشرته يضحك لا ويقول لي ابشر راح اعوضك في مطعم احسن حسيت ساعتها ان نفسي انط فوووووق واسوي حركة سنوكا ضد رودي بايبر
في المباراه اللي كانت على بطولة العالم للكيرم لكن قلت ياولد مشها له هالمره يمكن ماعاد يتعودها ويعزمني.
يستفاد من القصه
1 لاعاد تشربون من سوبيا الوصابي اللي في شارع عكاظ ماسكينهم البلديه

2 صديقي حسن عابد عازمني للعشا اذا عند البيك ماني رايح ياحسن

[abonayf]

الله الله ابو نشقه ومنقاش وفي مطعم البيك لاوالله الا كملت

اديب واي اديب انت يااو نشقه
لا والفاوائد عزيمه من حسن الاكيد انها تميس خذ علم مابه لابيك ولاغيره

يعطيك العافيه لقد اثلجت صدورنا وادخلت السرور على نفوسنا

دم بخير وصحه

[@ بن سلمان @]

ابو نشقة
المستفاد من القصة امره هين
لكن الدسم واللي يصعب علي ودي كان تعطينا اللي ما هو مستفاد من القصة لتعم الفائدة
طلتك جميلة نامل ان تدوم

[الحجاج بن يوسف الثقفي]

ياحليلك يابونشقه
ومايستفاد ان المنتخب السعودي متفق مع البحرين عشان الامارات تاخذ الكاس
ططططططططططططططططططططططططططططططططططططططااااط

[منقاش]

يا رفيقي يبو نشقه ليه ما كملت القصه ؟ .
أنا أكملها عنك وانا منقاش اللي ما ينحاش :
سلامتكم ياللحى الغانمه : أبو نشقه بعد دسم شاربه وشكر وكثر بالخير أنتفخ بطنه ثم أبتدى يطلع أصوات مثل الطراطيع فجعت المكاويه والمكاويات يحسبونها أطلاق نار ومواجهات مسلحه .
وبعدها فعلا أنقلبت ألأوضاع الى مسلحه حيث صاح رفيقنا أبو نشقه قائلا : تكفي يا منقاش ألحقني , أبغي أول مستشفى .
وننطلق على رجلينا نتساعى وهو منثنى وحاط يد على بطنه ويد على مكان مصدر الطراطيع اللي كانت شغاله واصواتها في زياده ,, زاد صيح وقال : واااامعورتك يبو نشقه .. ياااامنقاش العلم وصل .
قلت تعال مع وسط ألأسفلت , وهو يسعى منثني وبطنه يذرذر وراه في الخط السريع من مكه حتى مستشفى الملك في الطايف ...
واللي يسافر فيكم من اليوم ورايح يشوف الخط اللي يقسم ألأسفلت ترونه من بعد ثرثرة أبو نشقه وعزيمتي له ..
رفيقنا رويعي الغنم زاره في المشتشفى وسعل الطبيب ويدعي أنه قال له مشكلة رفيقكم أبو نشقه أنه أكل وجبه متصهينه مليئه بالمؤامرات لذلك لم يهضمها .
طبعا منقاش هضمها لأنه مصاحب الصهاينه والصهيونيات من أيام المؤتمر الصحفي اللي علمتكم عنه في مقابلتي مع محطة سي أن أن.....

[منقاش]

يا رفيقي يبو نشقه سامحني .
واشهدوا ياللي تقرون أن اللي أدعيت أنه سار على رفيقي أبو نشقه سار عليه أنا واللي أدعيت أنه سار عليه أنا سار على رفيقي أبو نشقه , وبذلك أعترف أنه ما سار شي أصلا غير اللي سار...

[حسن عابد]

ياجماعة الرجاجيل شوفوا حل لهذا المقزز هيه عاد اش فهمتوا من كلامه
بعدين يامنقاش عليك حق للرجال اللي تعزمه في مطعم خايس

[ابو نشقه]

شكرا على مروركم ( امش يالمختصر)

[أبوخالد]

افووووووووووووووووووووووووووووووه الموضوع طلع له ريحه