قم يا نديمي عبر القاف بالحال

[المشتاق]

قم يا نديمي عبر القاف بالحال قم يا نديمي عبر القاف بالحال قم يا نديمي عبر القاف بالحال قم يا نديمي عبر القاف بالحال قم يا نديمي عبر القاف بالحال

قصيدة للشاعر عبدالله مسيب الجروان :


[POEM="font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]الله من قلب على روس الاطلال = للكيف لو هن غاليات بالاسواق
يبيح مكنون الضماير اليا اجتال = اهوايته ما هي على قرب وفراق
قم يا نديبي عبر القاف بالحال = عساك عن كتب التماثيل ما تعاق
ولم لنا وضع الرسالة ومرسال = ما هاض من بالي على صفح الاوراق
وقلط لنا المحمحاس والنجر ودلال = ما دام قلبي للمعاميل مشتاق
واحمس على جمر الغضا عقب الاشعال = واذهن ترى الحرقان والني ما يذاق
وصلح لنا ياشمعة الغوش فنجال = مطلوب شراب الكيف اليا ضاق
طب عن الدوخة ويغدي غثا البال = اليا صار لاني ولا جاه الاحراق
جمع بها يالقرم ثلاثة اشكال = للكيف لو هن غاليات يالاسواق
اليا ذاقها اللي دايخ عقب الاشغال = مستانس عقب الزعل خاطره راق
ودق البهار وطق نجرك على الجال = يجونك اللي للتعاليل عشاق
ولا يقبل المجلس ولا فيه فنجال = البا صار بالمجلس نقوق وهلاق
وصبه لمن يصبر على كل الاحوال = ريف الضعافي وقت لوذات الارزاق
وثنه على طعان ضده الى عال = حبس المشاكل عند يبسات الارياق
واثلث على اللي الينعمى كل جهال = حلال ما يبرم ولا هو بحماق
والناس ما هم بالمناظر والازوال = الفرق فيهم بالمعرفة والاخلاق
اليا نظرت اوصافها كلها ارجال = والله خلق خلقه درجات وطباق
واللي يبي طيب بلا صبر ما ينال = والصبر مثل الصبر مر ولا يذاق
لكن مواهب من توحد بالاجلال = المستحي يشيل حمله بلا رهاق
يشيل عسرات المواجيب بكمال = ويدري الشرف لو هو على قطع الاعناق
والمدح والتشجيع ما ينفع الذال = المرجله عليه طريقها شاق
ولا لك سوى المقسوم يا طيب الفال = عمر الفتى ما يطوله كثر الادراق
والدين والارشاد ما يفيد بالضال = يزعم بتفكيره على كل الاطباق
ومن يدعي بالجد والعم والخال = وعو هافي ما ينفعه طيب الاعماق
وهل الشرف ما تشتهي قرب الانذال = ما هم لهم سوى قرابات ورفاق
واللص ما يومن على العرض والمال = وراعي الثقة عند المواثيق ما باق
دنيا سوابقها جديدات وسمال = فاتت تجاربها على جل ودقاق
كلن فهم تاريخها ما بها اجدال = مامورة تاكل على كل الاشناق
مابقي الا العلم مع طيب الاعمال = يوم الحساب ولفة الساق بالساق[/POEM]

[اسير الصمت]

يعطيك العافيه مشتاق اختيار موفق ورائع

[عثمان الثمالي]

الله يعطيك ألف عافية على القصيدة الرااااائعة

[ABO TURKI]

يعطيك العافية المشتاق واستر ما واجهت
اختيار موفق

[حسن عابد]

قصيدة مرة هلو تشكرات

[أبو علي]

شكرا يا مشتاق دام عندك استراحه سوي دعاية بصورة افضل ، بقول كيف / اقول ادعنا فيها ليلة وتعشينا وتشوف ما تسير استراحتك مستاجرة كل وقت ...

[@ بن سلمان @]

المشتاق
متى ودك تعزمنا وناخذ منك العنوان؟
اختيار منتاز

[abonayf]

اختيار موفق

ومدري اراك كنك عازم احد بس مدري متى الموعد

[المشتاق]

اسير الصمت
اشكر لك حضورك وبشر عساك لقيت مستاجر للناطحات

[المشتاق]

ابو سعود
وانت بعد يالقرم يعطيك العافية