ماعلة التجار غير خشراها

[ابو عادل]

ماعلة التجار غير خشراها ماعلة التجار غير خشراها ماعلة التجار غير خشراها ماعلة التجار غير خشراها ماعلة التجار غير خشراها

[poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"]
بقيت ياموفي صعاب المطاليب=يااللي تقود اهل القدى في قداها
مااعدك الاسبع صلب المخاليب=ومن الرجال اللي تجمل لحاها
وش بالعرب صكّت علي الحواجيب=ياكبرها من ناس زايد غلاها
جاني خبرها عن صفوف الكتاتيب=يقلون ماغيره طبخها شواها
ومقطبين العلم ياخوي تقطيب=وسمعت هدر جمالنا مع رغاها
أعرف طريقي ماعطيت المجانيب=والغالية ماعازني مشتراها
عندي مع الأيام خبرة وتجريب=تزين يوم ويوم تنفخ رياها
واليوم يامحمد غشى راسي الشيب=وجربت من مر السنين وحلاها
لاداخلي ذلّة ولاردني هيب=واصحابنا مانبغي الارضاها
أسلوبنا من غير هذي الاساليب=آخذ وجيه العلم واترك قفاها
عندي على ماقلت وقفة وتعقيب=لاني مغطيها ولااكشف غطاها
الكلمة اللي ماتصيب المضاريب=ماني بناقلها عن اللي رواها
بعض الظنون تشعّب العلم تشعيب=ماعلّة التجار غير خشراها
فتّش لها في الجيب لاتترك الجيب=والا الثياب اللي بعد في طواها
ماجايكم لابس كفوف وشراريب=ماله شطون ولارعية رعاها
دور وتلقى غيرها في المزاهيب=هذي ترى ماجيتكم في حراها
وان كان شفنا من يدير اللواليب=ترى ذياب البرّ تعرف خلاها[/poem]

[@ بن سلمان @]

ابا عادل /
صح لسانك
ما عليك من اللي يقولون
ولا تكون وانا بن عمك مثل اللي يحسس على راسه
اسعدني تواجدك

[المشتاق]

صح لسانك
عندي تعقيب ودي أقوله وخائف إن الناس تفهمني خطأ
تحياتي

[ابو عادل]

بن سلمان :
صح بدنك
حسحسة مافيه حسحسة بس انت فهمت كذه
الدفاع عن النفس حق مشروع ومتاح للجميع ويجب أن توضع الأمور في اطارها الصحيح.
أسعدني مرورك.

[ابو عادل]

المشتاق:
طالما أنك على متصفحي فان تعقيبك محل الإهتمام اذاكان منطقيا ومفهوما من قبلي أما غيري من الناس فالله أعلم.. هل اتضحت الفكرة؟
صح بدنك وشكرا لمرورك.

[النادر]

ابا عادل وكانك ترمي الى

ترى ذياب البر تعرف عشاها

لكنك كنت اجمل والطف من استخدامها .....

يروق لي هذا السمو ياصاحب المقاله


النادر

[حسن عابد]

اعرف طريقي ما عطيت المجانيب.
صادق يابو عادل

[ابو عادل]

النادر:
لاتروح بعيد أنا لااعني الا ماأقول
مشكور لمرورك ولطيب المشاعر.

[ابو عادل]

حسن عابد:
أحسنت والله يجزيك خير ويجعلنا جميعا من الصادقين.

[محمود عادل]

صح لسانك